తమ యూజర్లకు జియో (Jio) శుభవార్త చెప్పింది. నెట్ఫ్లిక్స్ సబ్‌స్క్రిప్షన్‌ (Netflix Subscription)తో రెండు ప్రీ-పెయిడ్‌ మొబైల్‌ ప్లాన్లను జియో తీసుకొచ్చింది. ప్రీ-పెయిడ్‌ ప్లాన్‌తో పాటుగా నెట్ఫ్లిక్స్ బండిల్స్‌ను కూడా ప్రారంభిస్తున్నట్లు జియో ప్లాట్‌ఫామ్స్‌ సీఈవో కిరణ్‌ థామస్‌ తెలిపారు. అయితే ఇప్పటికే జియో పోస్ట్‌-పెయిడ్‌ ప్లాన్, జియో ఫైబర్‌ ప్లాన్ల (Jio Fibre Plan) ఎంపికపై యూజర్లకు నెట్ఫ్లిక్స్ సబ్‌స్క్రిప్షన్‌ వస్తోంది. కానీ ప్రీ-పెయిడ్‌ యూజర్లకు మాత్రం ఇది అందుబాటులో లేదు. తాజాగా ఆఫర్‌తో ప్రీపెయిడ్ యూజర్లకు కూడా నెట్ఫ్లిక్స్ అందనుంది. ఈ ప్లాన్లతో 40 కోట్లకు పైగా జియో ప్రీపెయిడ్ కస్టమర్లకు నెట్ఫ్లిక్స్ సబ్‌స్క్రిప్షన్‌ లభించనుంది.
చదవండి: Passport: త్వరలో అప్‌గ్రేడ్ చేసిన చిప్‌తో కూడిన ఇ-పాస్‌పోర్ట్.. 140 దేశాలలో సులభ ప్రయాణం
జియో నెట్ఫ్లిక్స్ ప్లాన్ల (Jio Netflix Plans) వివరాలివే:
84 రోజుల వ్యవధితో జియో ప్రీ-పెయిడ్‌ నెట్ఫ్లిక్స్ సబ్‌స్క్రిప్షన్‌ ప్లాన్ లభిస్తుంది.
రూ.1,099, రూ.1,499 ధరల్లో లభ్యం అవుతుంది.
రూ.1,099 ప్లాన్‌లో నెట్ఫ్లిక్స్ మొబైల్‌ సబ్‌స్క్రిప్షన్‌, అన్‌లిమిటెడ్‌ 5జీ డాటా లేదా రోజుకు 2జీబీ 4జీ డాటా, అపరిమిత వాయిస్‌ కాల్స్‌ లభిస్తాయి.
రూ.1,499 ప్లాన్‌లో కస్టమర్లు నెట్‌ఫ్లిక్స్‌ను ఒకేసారి అటు మొబైల్‌లో ఇటు టీవీల్లో చూసే అవకాశం.
అన్‌లిమిటెడ్‌ 5జీ డాటా లేదా 3జీబీ 4జీ డాటా, అపరిమిత వాయిస్‌ కాల్స్‌ పొందొచ్చు.
నెట్ఫ్లిక్స్ కంటెంట్‌ను మొబైల్‌ ఫోన్లలో మాత్రమే చూసేలా విడిగా రూ.149తో నెలవారీ నెట్ఫ్లిక్స్ మొబైల్‌ ప్లాన్ ఉంది.
విడిగా రూ.199 రిచార్జ్‌తో నెట్ఫ్లిక్స్ బేసిక్‌ నెలవారీ ప్లాన్ ఉంది.
84 రోజుల కాలపరిమితితో అపరిమిత వాయిస్‌ కాల్స్‌ 2జీబీ డాటా ప్లాన్ ధర రూ.719, 3జీబీ డాటాతో రూ.999కే లభిస్తుంది.
