TG: ఇంటర్ రీకౌంటింగ్, రీవెరిఫికేషన్ ఫలితాలను మే 5 నుంచి మే 10 మధ్యలో విడుదల చేయాలని బోర్డు నిర్ణయించింది. ఇటీవల ప్రకటించిన ఇంటర్ ఫలితాల్లో ఆశించిన మార్కులు రాని లేదా ఫెయిల్ అయిన విద్యార్థులు పెద్ద సంఖ్యలో దరఖాస్తు చేసుకున్నారు. మే 13 నుంచి ప్రారంభమయ్యే ఇంటర్ సప్లిమెంటరీ పరీక్షల దృష్ట్యా విద్యార్థుల్లో గందరగోళం తగ్గించేందుకు ముందుగానే ఈ ఫలితాలను విడుదల చేయనుంది.
