బాలీవుడ్ స్టార్ హీరో సల్మాన్ ఖాన్(Salman Khan), టాలీవుడ్ ప్రముఖ హీరో వెంకటేష్(Venkatesh Daggubati) నటించిన ‘కిసీ కా భాయ్ కిసీ కీ జాన్‌(Kisi Ka Bhai Kisi Ki Jaan) చిత్రం నుంచి మోస్ట్ ఎవైటెడ్ సాంగ్ ‘యెంటమ్మా'(Yentamma) వచ్చేసింది. ఈ వీడియోలో సల్మాన్, వెంకీ స్వాగ్ స్పెప్పులతో అదరగొట్టారు. పాటలో తన ఎనర్జీని సల్మాన్ మరింత పెంచాడని చెప్పవచ్చు. ఈ గ్రూప్ డాన్సులో ఖాన్, వెంకటేష్ ఇద్దరూ లుంగీలు ధరించి కనిపించారు. రంగురంగుల విజువల్స్ తో సౌత్ ఇండియా సంస్కృతిని ప్రతిబింబిచేలా వీడియో కలర్ ఫుల్ గా ఉంది. విశాల్ దద్లానీ, పాయల్ దేవ్ పాడిన ఈ పాటను పాయల్ దేవ్ స్వరపరిచారు. షబ్బీర్ అహ్మద్ సాహిత్యం అందించిన ఈ పాటకు జానీ మాస్టర్ కొరియోగ్రఫీ అందించారు. ఈ సాంగ్ ను చూస్తే తప్పకుండా చార్ట్‌బస్టర్ అవుతుందని అనిపిస్తుంది.
మరోవైపు ఈ పాట మధ్యలో టాలీవుడ్ మెగా పవర్ స్టార్ రామ్ చరణ్(ram charan)కూడా లుంగీ కట్టుకుని ఎంట్రీ ఇచ్చారు. ఆ క్రమంలో వెంకీ, ఖాన్ తో కలిసి స్టెప్పులు వేశారు. నాటు నాటు పాటకు ఆస్కార్ గెలుచుకున్న తర్వాత సౌత్ సెన్సేషన్ చెర్రీ.. సల్మాన్ ఖాన్‌తో డాన్స్ చేయడం క్రేజీగా అనిపించింది. ఈ క్రమంలో ముగ్గురు స్టార్ హీరోలు ఒకే పాటలో కనిపించడం పట్ల అభిమానులు ఫుల్ ఖుషీ అవుతున్నారు. అభిమానులను అలరిస్తున్న ఈ సాంగ్ బీట్స్‌లో సల్మాన్ ఖాన్, రామ్ చరణ్, వెంకటేష్ దగ్గుబాటి, పూజా హెగ్డే ఉన్నారు.
ఇంకోవైపు ఈ సినిమా విడుదల తేదీ దగ్గర పడుతున్న కొద్దీ ప్రేక్షకుల్లో ఉత్కంఠ పెరుగుతూనే ఉంది. ఎప్పుడు ఈ మూవీ చుద్దామా అని వెయిట్ చేస్తున్నారు. సల్మాన్ ఖాన్ ఫిల్మ్ ప్రొడక్షన్ ఆధ్వర్యంలో వస్తున్న ఈ చిత్రానికి ఫర్హాద్ సామ్జీ దర్శకత్వం వహిస్తున్నారు. ఈ చిత్రంలో సల్మాన్ ఖాన్, వెంకటేష్ దగ్గుబాటి, పూజా హెగ్డే(Pooja Hegde), జగపతి బాబు, భూమికా చావ్లా, విజేందర్ సింగ్, అభిమన్యు సింగ్, రాఘవ్ జుయల్, సిద్ధార్థ్ నిగమ్, జాస్సీ గిల్, షెహనాజ్ గిల్, పాలక్ తివారీ, వినాలి భట్నాగర్ తదితరులు ఉన్నారు. యాక్షన్, ఫ్యామిలీ రొమాంటిక్ డ్రామాగా వస్తున్న ఈ చిత్రం ఏప్రిల్ 21, 2023న విడుదల కానుంది. జీ స్టూడియోస్ ప్రపంచవ్యాప్తంగా విడుదల చేయనుంది.
చదవండి: Balagam: చిత్రం గ్రామాల్లో ప్రదర్శనపై పోలీసులకు దిల్ రాజు ఫిర్యాదు
