తెలంగాణ రాష్ట్రంలో బీజేపీ దూకుడు పెంచింది. ఆపరేషన్ ఆకర్షణలో భాగంగా ఇతర పార్టీల నేతలను ఆకర్షించే పనిలో పడింది. ఈ క్రమంలో… సినీ నటులను పార్టీలోకి ఆహ్వానించే ప్రయత్నం చేస్తున్నట్లు తెలుస్తోంది. ఈ క్రమంలో.. సినీ నటి దివ్య వాణి బీజేపీలోకి అడుగుపెట్టేందుకు ప్రయత్నాలు మొదలుపెట్టింది.
బీజేపీ ఎమ్మెల్యే ఈట‌ల రాజేంద‌ర్‌తో సినీ నటి దివ్యవాణి స‌మావేశం అయ్యారు. హైద‌రాబాద్ శామీర్‌పేట‌లో ఉన్న ఈట‌ల నివాసానికి ఆమె వెళ్లారు. ఈ స‌మావేశంలో ఈట‌ల, దివ్యవాణిని బీజేపీలోకి ఆహ్వానించిన‌ట్లు తెలుస్తోంది. ఇటీవ‌లే టీడీపీకి గుడ్ బై చెప్పిన దివ్యవాణి…. ఈట‌ల‌తో భేటీ కావ‌డం చ‌ర్చనీయాంశంగా మారింది. బీజేపీలో చేరేందుకు ఆమె కూడా ఆసక్తి చూపించినట్లు సమాచారం.
