సింగరేణి గుర్తింపు సంఘం ఎన్నికలకు నోటిఫికేషన్ (Singareni Elections Notification) విడుదల అయ్యింది. అక్టోబర్ 28వ తేదిన సింగరేణి ఎన్నికలు నిర్వహించనున్నట్లు డిప్యూటీ సీఎల్సీ వెల్లడించారు. ఈ మేరకు బుధవారం ఆయన ఎన్నికల నోటిఫికేషన్‌ను రిలీజ్ చేశారు. అక్టోబర్ 6, 7వ తేదీల్లో నామినేషన్లను స్వీకరిస్తామని, ఆ తర్వాత స్క్రూటిని, విత్‌డ్రాకు అవకాశం ఇవ్వనున్నట్లు తెలిపారు.
చదవండి: High Court : గ్రూప్ 1 మళ్లీ నిర్వహించాలి : టీఎస్ హైకోర్టు
అక్టోబర్ 28వ తేదిన పోలింగ్‌ ఉంటుందని, అదేరోజు కౌంటింగ్‌ కూడా నిర్వహించనున్నట్లు వెల్లడించారు. ఈ ఏడాది మే నెల 22వ తేదిన సింగరేణి ఎన్నికలు నిర్వహించాలని కేంద్ర కార్మిక సంఘం నోటిఫికేషన్ జారీ చేసిన సంగతి తెలిసిందే. అయితే వరుసగా పండగలు ఉండటం వల్ల వాటిని వాయిదా వేయాలని సింగరేణి యాజమాన్యం అభ్యర్థించింది. ఈ నేపథ్యంలో సింగరేణి సంస్థ అభ్యర్థనను తిరస్కరించిన హైకోర్టు అక్టోబర్‌లోగా ఎన్నికలు నిర్వహించాలని ఆదేశాలు జారీ చేసింది. తాజా ప్రకటనతో అక్టోబర్ నెలలో ఆ ఎన్నికలు జరగనున్నాయి.
