Oscar Jr NTR ఆస్కార్ కోసం అమెరికా విమానమెక్కిన జూనియర్ ఎన్టీఆర్

విశ్వవిఖ్యాత అవార్డుల వేడుకకు సమావేశం ఆసన్నమవుతోంది. ప్రపంచంలోనే సినీ పరిశ్రమకు అతి పెద్ద అవార్డుగా భావించే ఆస్కార్ అవార్డుల వేడుక ఈనెల 13వ తేదీన జరుగనుంది. అమెరికాలో 95వ ఆస్కార్ అవార్డుల ప్రదానం (Oscar Awards-2023) అట్టహాసంగా నిర్వహించనున్నారు. దీనికోసం ఇప్పటికే అందరూ అమెరికాకు పయనమవుతున్నారు. నందమూరి తారకరత్న మరణం నుంచి కోలుకున్న జూనియర్ ఎన్టీఆర్  (Jr NT Rama Rao) కూడా ఈ అవార్డుల వేడుక కోసం బయల్దేరాడు.

చదవండి: Sania Mirza Farewell సానియాకు ఘన సత్కారం.. హాజరైన అతిథులు

రాజమౌళి (SS Rajamouli) దర్శకత్వంలో తెరకెక్కిన ఆర్ఆర్ఆర్ (RRR Movie) సినిమాలో రామ్ చరణ్ తేజ్ (Ram Charan), జూనియర్ ఎన్టీఆర్ నటించిన విషయం తెలిసిందే. ఈ సినిమా అనేక అంతర్జాతీయ అవార్డులు కొల్లగొట్టింది. గోల్డెన్ గ్లోబ్, హాలీవుడ్ క్రిటిక్స్ అసోసియేషన్, లాస్ ఏంజెల్స్ ఫిలిం క్రిటిక్స్, క్రిటిక్ చాయిస్ తదితర అంతర్జాతీయ అవార్డులు గెలుపొంది తెలుగు సినిమాను ప్రపంచానికి చాటింది. ఇటీవల హెచ్ సీఏ అవార్డుల్లో ఏకంగా ఐదు అవార్డులను కొల్లగొట్టి భారతీయ సినీ పరిశ్రమకు తిరుగులేదని నిరూపించింది.

చదవండి: SI Letter Viral నా భార్య అలిగింది.. పది రోజుల సెలవు కావాలి? ఎస్సై లేఖ వైరల్

కాగా ఇప్పుడు జరుగనున్న ఆస్కార్ అవార్డుల వేడుకల్లో ఆర్ఆర్ఆర్ కు ఓ అవార్డు రాబోతున్నది. నాటు నాటు పాట (Natu Natu Song)కు ఆస్కార్ అవార్డు దక్కే అవకాశాలు చాలా ఉన్నాయి. దీనికోసం చిత్రబృందం అమెరికా (USA)కు పయనమవుతోంది. ఇప్పటికే రామ్ చరణ్, రాజమౌళి, కీరవాణి తదితరులు అమెరికాకు వెళ్లారు. తాజాగా జూనియర్ ఎన్టీఆర్ సోమవారం హైదరాబాద్ నుంచి అమెరికాకు పయనమయ్యాడు. ఎన్టీఆర్ విమానశ్రయాని (Airport)కి చేరుకుంటున్న వీడియో వైరల్ గా మారింది.

చదవండి: Telangana సీఎం కేసీఆర్ ఎవరో కాదు కొమురవెల్లి మల్లన్న: మంత్రి తలసాని