మరాఠీ యోధుడు, మరాఠీ రాజ్య వ్యవస్థాపకుడు ఛత్రపతి శివాజీ మహారాజ్‌ గురించి అందరికీ తెలిసిందే. అయితే ఇప్పుడు అలాంటి యుద్ద వీరుడి కోడలిగా నటించబోతుందట రష్మిక(Rashmika). శివాజీ పెద్ద కుమారుడు శంభాజీ భోంస్లే జీవితం ఆధారంగా.. బాలీవుడ్‌లో ఓ భారీ పీరియాడికల్ ప్రాజెక్ట్ ప్లాన్ చేస్తున్నారట. లక్ష్మణ్‌ ఉటేకర్‌ దర్శకత్వంలో బాలీవుడ్ యంగ్ హీరో విక్కీ కౌశాల్‌ హీరోగా నటించనున్నాడట. శంభాజీ భోంస్లేగా విక్కీ కౌశల్, ఆయన భార్య మహారాణి ఏసుబాయి భోంస్లేగా రష్మికా మందన్నా నటించనున్నారని బాలీవుడ్ వర్గాల సమాచారం.
ఇది కూడా చూడండి: Akkineni heroes: అక్కినేని హీరోలకి ఏమైంది? ఏంటి డిజాస్టర్లు!?
ఈ సినిమాకు ‘ఛావా’ అనే టైటిల్‌ కూడా ఫిక్స్ చేసినట్టు టాక్. ఇక ఈ ప్రాజెక్ట్‌ను భారీ బడ్జెట్‌తో తెరకెక్కించబోతున్నారట. ఇప్పటికే రష్మిక ఈ ప్రాజెక్ట్‌కు గ్రీన్ సిగ్నల్ ఇవ్వడమే కాదు.. మహారాణిగా ట్రైనింగ్ కూడా స్టార్ట్ చేసేసిందట. అప్పటి యాస, భాషతో పాటు యుద్ధ విన్యాసాల ప్రత్యేకంగా శిక్షణ(training) కూడా తీసుకుంటోందట.
హీరో విక్కీ కౌశాల్‌(vicky kaushal) కూడా గత కొద్ది రోజులుగా గుర్రపుస్వారీ, కత్తి యుద్దం, విలువిద్య నేర్చుకుంటున్నారని సమాచారం. త్వరలోనే ఈ ప్రాజెక్ట్‌ను అఫిషీయల్‌గా ప్రకటించి.. సెప్టెంబర్‌లో షూటింగ్ స్టార్ట్ చేసేందుకు ప్లాన్ చేస్తున్నారట. మరి ఛత్రపతి శివాజీ కోడలిగా, మహారాణిగా రష్మిక ఎలా మెప్పిస్తుందో చూడాలి.
ఇది కూడా చూడండి: Natti kumar: అఖిల్ ని కావాలనే తొక్కేస్తున్నారు.. నిర్మాత షాకింగ్ కామెంట్స్..!
