ప్రముఖ స్టార్ హీరో రజినీకాంత్(Rajini kanth) నటించిన జైలర్ మూవీ కోసం ఫ్యాన్స్ ఆత్రుతగా ఎదురుచూస్తున్నారు. నెల్సన్ దిలీప్‌కుమార్ దర్శకత్వం వహించిన ఈ చిత్రాన్ని సన్ పిక్చర్స్ నిర్మించింది. అయితే ఈ మూవీ ప్రపంచవ్యాప్తంగా ఆగస్ట్ 10, 2023 థియేటర్లలో విడుదల కానుంది. ఈ నేపథ్యంలో నిన్న(ఆగస్టు 7న) ఈ మూవీ అడ్వాన్స్ బుకింగ్ టిక్కెట్స్ రిలీజ్ చేశారు. అంతే ఏకంగా సాయంత్రం వరకే 6 లక్షలకుపైగా టిక్కెట్లు సేల్ అయ్యాయి. అంటే దాదాపు రూ.20.68 కోట్ల ప్రీ బుకింగ్స్ పూర్తయ్యాయి. దీన్ని బట్టి రజినీ క్రేజ్ అర్థం చేసుకోవచ్చు. అంతేకాదు తమిళనాడులో జులై 10న సెలవు కూడా ప్రకటించారు.
మరోవైపు తెలుగు రాష్ట్రాల్లో కూడా ఈ మూవీ తెలుగులో విడుదలైన RRR రికార్డులను చెరిపేసింది. 140కిపైగా మార్నింగ్ షోలతో టాప్లో నిలిచింది. కర్ణాటకలో కూడా జైలర్ మూవీ రికార్డు సృష్టించింది. ఆన్‌లైన్ బుకింగ్స్ ద్వారానే మొత్తం 155 మార్నింగ్ షోలు ఫుల్ అయ్యాయి. దీంతో KGF చాప్టర్ 2 రికార్డులు కూడా లేకుండా పోయాయి. ఇక జైలర్ విడుదలకు మరో 2 రోజులు మిగిలి ఉన్నందున ఇంకా పెద్ద ఎత్తున ప్రీ సేల్స్ జరిగే అవకాశం ఉందని ట్రేడ్ వర్గాలు చెబుతున్నాయి.
అంతేకాదు అమెరికా, కెనడా, యూకే, మలేషియా వంటి విదేశాల్లో కూడా రజినీ మూవీ పెద్ద ఎత్తున ప్రీ బుకింగ్స్ జరిగాయి. విదేశాల్లోనే జైలర్ ఓవర్సీస్ అడ్వాన్స్ బుకింగ్(ఆగస్టు 7న) 8.68 కోట్ల గ్రాస్ వచ్చినట్లు నివేదికలు చెబుతున్నాయి. ఈ లెక్కన చూస్తే ఈ మూవీ మొదటి రోజు ప్రపంచవ్యాప్తంగా(worldwide) రూ.100 కోట్లకుపైగా కలెక్షన్లను వసూలు చేస్తుందని సినీ వర్గాలు అంచనా వేస్తున్నాయి.
ఇది కూడా చూడండి: Salman khan: సల్మాన్, కరణ్ జోహార్, విష్ణు కాంబోలో భారీ యాక్షన్ మూవీ
