తాజాగా కోటి రూపాలయ విలువ గల అర టన్ను గంజాయిని పోలీసులు స్వాధీనం చేసుకున్నారు. భద్రాచలం ఏఎస్పీ పారితోష్ పంకజ్ ఉత్తర్వుల మేరకు కూనవరం రోడ్ చెక్ పోస్ట్ వద్ద పోలీసులు వాహనాల తనిఖీలు నిర్వహించారు. ఈ క్రమంలోనే మల్కన్ గిరి, ఒడిషాకు చెందిన ఇద్దరు వ్యక్తులు ట్రాక్టర్‌లో 485 కిలోల గంజాయిని భద్రాచలం మీదుగా కరీంనగర్‌కు అక్రమంగా తరలిస్తుండగా పట్టుకున్నారు. నిందితులు గంజాయిని ట్రాక్టర్ ట్రాలీకి సీక్రెట్ ఛాంబర్‌ను ఏర్పాటు చేసి తరలిస్తున్నారు. ఎవ్వరికీ ఎలాంటి అనుమానం రాకుండా స్మగ్లింగ్ చేస్తున్నారు.
చదవండి: Rs.17 వేల కోట్ల విలువ గల నోట్లు వచ్చాయి: ఎస్‌బీఐ
అయితే ఇలా ఇప్పటికే పలుమార్లు విజయవాడ, గుంటూరు, కరీంనగర్‌ పట్టణాలకు ఇదే తరహాలో తరలించారు. అయితే అప్పుడు ఎవ్వరికీ ఎలాంటి అనుమానం రాకపోవటంతో దొరకకుండానే తరలించారు. అయితే ఈసారి మాత్రం పోలీసులకు దొరికిపోయారు. ఈ ఘటనలో ఇద్దరు నిందితులను అదుపులోకి తీసుకున్నారు. ట్రాక్టర్ ట్రాలీలో దొరికిన ఒక్కొక్క గంజాయి ప్యాకెట్ 5 కిలోల బరువు ఉన్నట్టు తెలుస్తోంది. మొత్తం 97 ప్యాకెట్లు పట్టుబడగా మొత్తం సరుకు విలువ సుమారు కోటి రూపాయల వరకు ఉంటుందని పోలీసులు అంచనా వేస్తున్నారు
