స్టార్ హీరో పవన్ కల్యాణ్(Pawan Kalyan) ఓజీ మూవీ(OG Movie) సెట్లో స్టైలిష్ గా కనిపిస్తున్నారు. మేకర్స్ ఈ మేరకు మూవీ సెట్లో పవన్ ఉన్న ఓ చిత్రాన్ని పంచుకున్నారు. ఆ ఫొటోలో పవన్ బ్లాక్ కలర్ షూ, బ్లాక్ కలర్ అద్దాలు పెట్టుకుని క్రేజీగా కనిపిస్తున్నారు. ఓ జేబులో చేయి పెట్టుకుని, మరో చేయిని క్యారెవ్యాన్ కు సపోర్టుగా ఉంచి మాట్లాడుతున్న పవర్ స్టార్ లుక్ అదిరిపోయేలా ఉంది. ప్రస్తుతం ఈ మూవీ షూట్ ముంబైలో జరుగుతుండగా పవన్ కళ్యాణ్, ప్రియాంక మోహన్‌ల పై కొన్ని కీలక సీన్స్ షూట్ చేస్తున్నట్లు తెలుస్తోంది. ఈ పిక్ చూసిన పవన్ ఫ్యాన్స్ సూపర్ అంటూ సోషల్ మీడియాలో కామెంట్లు చేస్తున్నారు. అంతేకాదు మరికొంత మంది అయితే ఇక మంటలే అంటూ వ్యాఖ్యానిస్తున్నారు.
ఇది కూడా చూడండి: Prabhas: అదిరింది బాసూ.. OG కోసం ప్రభాస్, ఎందుకో తెలుసా!?
ఇక డీవీవీ దానయ్య నిర్మిస్తున్న ఓజీ(OG) చిత్రాన్ని యంగ్ డైరెక్టర్ సుజీత్(director Sujeeth) తెరకెక్కిస్తున్నాడు. సాహో తర్వాత సుజీత్ చేస్తున్న సినిమా ఇదే. వపన్ కమిట్ అయినా సినిమాల్లో.. హరిహర వీరమల్లు తర్వాత స్ట్రెయిట్ ఫిల్మ్ కూడా ఇదే కావడం విశేషం. అందుకే ఓజీపై అభిమానుల్లో అంచనాలు భారీగా ఉన్నాయి. అందుకు తగ్గట్టే సుజీత్ ఈ ప్రాజెక్ట్‌ను ప్లాన్ చేస్తున్నట్లు సమాచారం. గ్యాంగ్ స్టర్ బ్యాక్ డ్రాప్‌లో అదిరిపోయే యాక్షన్‌తో ఓజీని సెట్స్ పైకి తీసుకెళుతున్నారు. ఈ సినిమాలో పవన్ సరసన హీరోయిన్ గా ప్రియాంక మోహన్ (priyanka mohan) యాక్ట్ చేస్తుంది.
భారీస్థాయిలో ప్రతిష్టాత్మకంగా తెరకెక్కుతోన్న ఈ చిత్రానికి ప్రముఖ సినిమాటోగ్రాఫర్ రవి కె చంద్రన్ కెమెరా బాధ్యతలు నిర్వహిస్తుండగా, ఏఎస్ ప్రకాష్ ప్రొడక్షన్ డిజైన్‌ గా వ్యవహరిస్తున్నారు. పవన్ కళ్యాణ్ బ్లాక్ బస్టర్ ఫిల్మ్ ‘భీమ్లా నాయక్’కి బ్లాక్ బస్టర్ మ్యూజిక్ అందించిన ఎస్ థమన్(ss thaman) ఈ చిత్రానికి సంగీతం అందిస్తున్నారు.
ఇది కూడా చూడండి: Delhi High Court Serious: ఆరాధ్య బచ్చన్ పై ఫేక్ వార్తలు…. హైకోర్టు సీరియస్..!
