ఒకే ఒక్క వీడియోతో ఓజి పై ఊహించని అంచనాలను పెంచేశాడు యంగ్ డైరెక్టర్ సుజీత్(Sujeeth). అది కూడా పవన్ కళ్యాణ్‌ని సింగిల్ ఫ్రేమ్‌లో కూడా చూపించకుండా.. అదే పవన్ గనుక వీడియోలో కనిపించి ఉంటే.. ఆ లెక్క వేరేలా ఉండేది. అయినా ఓజి పై ఎక్స్‌పెక్టేషన్స్ భారీగా పెరిగిపోయాయి. ఖచ్చితంగా సుజీత్.. పవన్(Pawan kalyan)ను సరికొత్త గ్యాంగ్ లీడర్‌గా ప్రజెంట్ చేయడం గ్యారెంటీ అని ఫిక్స్ అయిపోయింది పవర్ స్టార్ ఆర్మీ. రీసెంట్‌గా రిలీజ్ చేసిన వీడియోనే అందుకు జస్ట్ శాంపిల్‌గా చెప్పుకోవచ్చు.
ఏప్రిల్ 15 నుంచి ‘ఓజీ’ చిత్రీకరణ ముంబైలో ప్రారంభమైంది. అలాగే నెక్ట్స్ వీక్‌ నుంచి పవర్ స్టార్ షూటింగ్‌లో జాయిన్ అవుతారని చెప్పారు. ఇప్పుడా సమయం రానే వచ్చేసింది. తాజాగా పవర్ స్టార్ కూడా ఓజి షూటింగ్‌లో జాయిన్ అయినట్టు తెలిపింది డీవివి ఎంటర్ట్మైనంట్స్ సంస్థ. Make Way for The #OG.. అంటూ ఒక గ్యాంగ్ స్టర్ బ్యాక్ డ్రాప్ యానిమేటేడ్ పోస్టర్‌ను విడుదల చేసారు. అందులో బ్లాక్ హూడీ ధరించి, కళ్లద్దాలతో పవన్ కళ్యాణ్ చాలా స్టైల్ గా కనిపిస్తున్నారు. ఏప్రిల్ 15 నుంచి మొదలైన ఈ షెడ్యూల్ లో ముంబై మరియు పరిసర ప్రాంతాల్లో నెలాఖరు వరకు చిత్రీకరణ జరగనుంది. పవన్ కళ్యాణ్ తో పాటు ఇతర ముఖ్య నటీనటులు పాల్గొంటున్న ఈ షెడ్యూల్ లో యాక్షన్ సన్నివేశాలతో పాటు పలు కీలక సన్నివేశాలను చిత్రీకరించనున్నారు.
భారీస్థాయిలో ప్రతిష్టాత్మకంగా తెరకెక్కుతోన్న ఈ చిత్రానికి ప్రముఖ సినిమాటోగ్రాఫర్ రవి కె చంద్రన్ కెమెరా బాధ్యతలు నిర్వహిస్తుండగా, ఏఎస్ ప్రకాష్ ప్రొడక్షన్ డిజైన్‌ గా వ్యవహరిస్తున్నారు. పవన్ కళ్యాణ్ బ్లాక్ బస్టర్ ఫిల్మ్ ‘భీమ్లా నాయక్’కి బ్లాక్ బస్టర్ మ్యూజిక్ అందించిన ఎస్ థమన్ ఈ చిత్రానికి సంగీతం అందిస్తున్నారు.
ఈ సినిమాను పవర్ ఫుల్ గ్యాంగ్‌స్టర్ యాక్షన్ డ్రామాగా తెరకెక్కిస్తున్నాడు సుజీత్. ఓజి అంటే ఒరిజినల్ గ్యాంగ్ స్టర్.. మరి అలాంటి ఒరిజినల్ గ్యాంగ్ స్టర్ ఎలాంటి యాక్షన్ చేస్తాడో అర్థం చేసుకోవచ్చు. వీలైనంత త్వరగా ఈ సినిమా షూటింగ్ పూర్తిచేయబోతున్నారు. మరి ఓజి ఎలాంటి రికార్డ్స్ క్రియేట్ చేస్తాడో చూడాలి.
ఇది కూడా చదవండి: PUSHPA 2: ‘పుష్ప2’ రికార్డ్ బ్రేకింగ్.. 100 మిలియన్స్ కొట్టేశారు!
