KRNL: పెద్దకడబూరు మండలంలోని కల్లుకుంట గ్రామంలో గుడేకల్ తహేరా బీ అనే మహిళపై దున్నపోతు మంగళవారం దాడి చేయడంతో తీవ్ర గాయాలయ్యాయి. కూరగాయల కోసం వెళుతున్న తహేరా బీ పై ఒక్కసారిగా దున్నపోతు కొమ్ములతో కుమ్మేయడంతో రెండు కాళ్లకు, చేయికి తీవ్ర రక్త గాయాలయ్యాయి. గ్రామంలో దున్నపోతు హల్ చల్ చేసింది. తీవ్రంగా గాయపడిన మహిళను హుటాహుటిన చికిత్స నిమిత్తం ఆదోనికి తరలించారు.
SRCL: వేములవాడ అర్బన్ మండలం రుద్రవరం గ్రామానికి చెందిన దాసరి లక్ష్మణ్ (26) అనే యువ గొర్లకాపారి మంగళవారం పిడుగుపాటుతో మృతి చెందాడు. ఈ ఘటన ఇల్లంతకుంట మండలం గొల్లపల్లి గ్రామ శివారులో జరిగింది. లక్ష్మణ్ తలపైన పిడుగు పడి అక్కడికక్కడే ప్రాణాలు కోల్పోయినట్టు ప్రాథమిక సమాచారం. ఈ ఘటనతో గ్రామంలో తీవ్ర విషాదం అలుముకుంది.
NLR: నెల్లూరు జిల్లాలో మంగళవారం ఘోర రోడ్డు ప్రమాదం జరిగింది. గుడ్లూరు మండలంలోని మోచర్ల వద్ద జాతీయ రహదారి పై నడుచుకుంటూ వెళ్తున్న ఇద్దరు మహిళలపై లారీ వేగంగా దూసుకెళ్లింది. వెంకమ్మ(50), మమత(26) అక్కడికక్కడే మృతి చెందారు. మరో ఇద్దరు రమణమ్మ, వైష్ణవిలు తీవ్రంగా గాయపడ్డారు. పోలేరమ్మ ఆలయానికి వెళ్తుండగా ఈ ఘటన జరిగింది. పోలీసులు ఘటనా దర్యాప్తు ప్రారంభించారు.
NRML: బాసర గోదావరిలో స్నానానికి వచ్చి ఇద్దరు మృతి చెందిన ఘటన సోమవారం జరిగింది. మహారాష్ట్ర పర్భని జిల్లా టాక్లికి చెందిన బాలాసాహెబ్(11), నిజామాబాద్ జిల్లా కమలాపూర్‌కి చెందిన మల్ల రాజు (40)అమ్మవారి దర్శనానికి వచ్చి స్నాన ఘట్టం వద్ద ప్రమాదవశాత్తు నదిలో మునిగి మరణించారు.కేసు నమోదు చేసి దర్యాప్తు చేస్తున్నట్లు ఎస్ఐ శ్రీనివాస్ తెలిపారు.
కృష్ణా: తాడిగడప సెంటర్ వద్ద సోమవారం విషాదకర ఘటన జరిగింది. ట్రాక్టర్‌పై వెళ్తున్న పెద్ద ఒగిరాల గ్రామానికి చెందిన ఘంటసాల రాధారాణి (38) ప్రమాదవశాత్తు జారి పడింది. ఆమె తలకు తీవ్రగాయాలు కావడంతో అక్కడికక్కడే మృతి చెందింది. సమాచారం అందుకున్న పోలీసులు ఘటన స్థలానికి చేరుకొని మృతదేహాన్ని పోస్టుమార్టం నిమిత్తం ఉయ్యూరు ప్రభుత్వాసుపత్రికి తరలించారు.
ATP: గుంతకల్లు పట్టణంలోని హనుమాన్ సర్కిల్లో రైలు కిందపడి శ్రీనివాసులు అనే యువకుడు శనివారం ఆత్మహత్యకు పాల్పడ్డాడు. అక్కడ ఉన్న స్థానికులు పోలీసులకు సమాచారం అందించడంతో ఘటన స్థలానికి చేరుకున్న పోలీసులు సంఘటన స్థలాన్ని పరిశీలించారు. అనంతరం మృతదేహాన్ని పోస్టుమార్టం నిమిత్తం ఆస్పత్రికి తరలించారు. ఆత్మహత్యకి గల కారణాలు తెలియాల్సి ఉంది.
UPలోని బరేలీలో దారుణం చోటుచేసుకుంది. సునీల్(45) అనే వ్యక్తి తన ఇంటికి సమీపంలోని చెట్టు కింద నిద్రిస్తున్నాడు. పారిశుద్ధ్య సిబ్బంది అతన్ని గుర్తించకుండా ట్రాక్టర్ మట్టి లోడ్ తీసుకొచ్చి అతనిపై పోసేశారు. దీంతో ఊపిరాడక సునీల్ మృతి చెందాడు. అనంతరం, కుమారుడు తన తండ్రి మృతదేహాన్ని గుర్తించి స్థానికుల సాయంతో వెలికితీశాడు. ఈ ఘటనపై పోలీసులు కేసు నమోదు చేసి దర్యాప్తు చేస్తున్నారు.
KMR:సైకిల్‌పై వెళ్తున్న వ్యక్తిని ఢీకొట్టిన కారు ఈ ప్రమాదంలో ఆ వ్యక్తి మృతి చెందారు. పోలీసుల వివరాల ప్రకారం.. పల్వంచకు చెందిన చిన్న సిద్ధయ్య (57) నిన్న రాత్రి సైకిల్‌పై వెళ్తుండగా KMR వైపు నుంచి వేగంగా వచ్చిన కారు ఢీకొట్టింది. ఈ ఘటనలో సిద్ధయ్యకు తీవ్రంగా గాయపడి చికిత్స పొందుతూ మృతి చెందాడు. ఈ ఘటనపై కేసు నమోదు చేసినట్లు స్థానిక ఎస్సై అనిల్ తెలిపారు.
SRCL: ఎల్లారెడ్డిపేట మండల కేంద్రంతో పాటు వెంకటాపూర్ గ్రామాలో ఐదు జీవాలు గురువారం విద్యుదాఘాతంతో మృత్యువాత పడ్డాయి. మండల కేంద్రంలోని రాములు గొర్రెలు వర్షానికి డివైడర్ పైకి ఎక్కగా, మధ్యలో ఉన్న కరెంటు స్తంభాలకు అమర్చిన ఏర్త్‌వైర్‌కు విద్యుత్ సరఫరా కావడంతో రెండు గొర్రెలు, మూడు మేకలు గ్రామ శివారులో కరెంట్ షాక్‌తో మృత్యువాత పడ్డాయన్నారు.
ప్రకాశం: మార్కాపురం మండలం చింతకుంట పరిధిలోని రామిరెడ్డినగర్లో గురువారం రాత్రి విద్యుత్ షాక్‌కు గురై 19గేదెలు మృతి చెందాయని స్థానికులు తెలిపారు. పొలంలో విద్యుత్ వైర్లు తెగి పడడంతో గేదెలకు కరెంట్ షాక్ తగిలి మృతి చెందినట్లు చెబుతున్నారు. సుమారు రూ. 13 లక్షల నష్టం జరిగిందని రైతులు ఆవేదన వ్యక్తం చేస్తున్నారు. ప్రభుత్వం ఆదుకోవాలని బాధితులు కోరుతున్నారు.
TG: రేవంత్ రెడ్డి ఓఎస్డీ పేరుతో బెదిరింపులకు పాల్పడుతున్న మాజీ క్రికెటర్ నాగరాజును హైదరాబాద్ సైబర్ క్రైమ్ పోలీసులు అరెస్ట్ చేశారు. సీఎం ఓఎస్డీ పేరుతో ఫేక్ ఈ మెయిల్ క్రియేట్ చేసి పలువురు హై ప్రొఫైల్ వ్యక్తులను బెదిరించి డబ్బులు డిమాండ్ చేశాడు. దీంతో పోలీసులకు ఫిర్యాదు చేయడంతో నాగరాజును అరెస్ట్ చేసి రిమాండ్‌కు తరలించారు. గతంలో కూడా నాగరాజుపై కేసులు ఉన్నాయి.
MNCL: జన్నారం మండలం మహమ్మదాబాద్‌లో కురిసిన భారీ ఈదురుగాలులకు చెట్టు తలపై పడి సునీత అనే మహిళ (37) మృతి చెందినట్లు జన్నారం ఎస్సై రాజావర్ధన్ గురువారం తెలిపారు. దండేపల్లి నుంచి జగన్ అతడి భార్య సునీత కడెం మండలానికి వెళ్లి వస్తుండగా గాలివాన రావడంతో చెట్టుకింద ఆగారు. ఆ సమయంలో ఈ ఘటన జరిగిందన్నారు. జగన్ స్వల్ప గాయాలపాలై చికిత్స పొందుతున్నాడన్నారు.
E.G: నల్లజర్ల హైవేపై గురువారం మధ్యాహ్నం రోడ్డు ప్రమాదం చోటుచేసుకుంది. విజయవాడ నుంచి కాకినాడ వైపు వెళ్తున్న కొరియర్ లోడు వ్యాను నల్లజర్ల వచ్చేసరికి అదుపు తప్పి ముందు వెళ్తున్న లారీని బలంగా ఢీకొట్టింది. దీంతో లారీ డ్రైవర్ మేకల వెంకట్(35) తీవ్ర గాయాలతో పాటు కుడికాలు విరిగింది. గమనించిన స్థానికులు వెంటనే స్పందించి పోలీసులకు సమాచారం అందజేశారు.
KDP: వల్లూరు మండల పరిధిలోని కొప్పోలి బస్టాండ్ సమీపాన బుధవారం రాత్రి జరిగిన రోడ్డు ప్రమాదంలో ఇద్దరికి తీవ్ర గాయాలయ్యాయి. స్థానికల వివరాల ప్రకారం.. స్థానికంగా ఉన్న ఇటికల బట్టిలలో పనిచేస్తున్న చరణ్ నడుచుకుంటూ వెళ్తుండగా.. బైక్ ఢీకొట్టింది. దీంతో అతడికి, బైక్‌పై ప్రయాణిస్తున్న వ్యక్తికి తీవ్ర గాయాలయ్యాయి. పోలీసులు వారిని కడప రిమ్స్‌కు తరలించారు.
NLG: పిడుగుపాటుకు రెండు పాడి గెదెలు మృతి చెందింన ఘటన క‌ట్టంగూర్‌ మండలం కురుమర్తి గ్రామంలో చోటుచేసుకుంది. గ్రామానికి చెందిన కొమ్మిడి దామోదర్ రెడ్డి రోజు మాదిరిగానే తన వ్యవసాయ పొలం వద్ద ఉన్న వేప చెట్టుకు బ‌ర్రెల‌ను కట్టేశాడు. మధ్యాహ్నం సమయంలో ఉరుములు, మెరుపులతో కూడిన పిడుగుపడటంతో రెండు బ‌ర్రెలు అక్కడికక్కడే మృతి చెందినట్లు తెలిపారు.
