ATP: గుత్తి మండలం తొండపాడు గ్రామంలో బుధవారం సాయంత్రం ఘోర ప్రమాదం చోటుచేసుకుంది. లారీ అదుపు తప్పి అతివేగంగా రోడ్డు పక్కన ఉన్న వాటర్ ప్లాంట్‌లోకి దూసుకెళ్లింది. ఈ ప్రమాదంలో గుత్తి మండలం ఎంగన్నపల్లికి చెందిన భాస్కర్ 24 మృతి చెందారు. మరోకరు తీవ్రంగా గాయపడ్డారు. స్థానికులు ఇచ్చిన సమాచారంతో ఎస్ఐ సురేష్ ఘటన స్థలానికి చేరుకున్నారు. ప్రమాదం జరిగిన తీరుపై ఆరా తీశారు.
VSP: నక్కపల్లి నుంచి బైక్ పై మద్యం బాటిల్స్ తరలిస్తున్న వ్యక్తిని పోలీసులు బుధవారం అదుపులోకి తీసుకొని వాటిని స్వాధీనం చేసుకున్నారు. సీఐ కుమారస్వామికి ముందుగా అందిన సమాచారం మేరకు పోలీసులు నక్కపల్లి ఆర్చ్ వద్ద నిర్వహించిన తనిఖీల్లో జానకయ్యపేటకు చెందిన కె లోవరాజు వద్ద 71 మద్యం బాటిల్స్ లభ్యం అయ్యాయి. లోవరాజుపై కేసు నమోదు చేసినట్లు ఎస్సై సన్నిబాబు తెలిపారు.
ఎన్టీఆర్: తిరువూరు మండలం టేకులపల్లి గ్రామంలో విద్యుదాఘతంతో బుధవారం గేదె మృతి చెందింది. బాధిత పాడి రైతు సత్యనారాయణ వివరాల మేరకు.. గేదెను మేపడానికి తోలుకెళ్లిన సమయంలో విద్యుదాఘాతానికి గురైంది. రూ.90 వేల పాడి గేదె మృతి చెందడంతో నారాయణ తీవ్ర దిగ్భ్రాంతి వ్యక్తం చేశారు.
NLR: మర్రిపాడు మండలం, బ్రాహ్మణపల్లి టోల్ ప్లాజా వద్ద ఉదయగిరి ఎక్సైజ్ అధికారులు వాహనాల తనిఖీలు చేపట్టారు. బెంగళూరు నుంచి ఓ బస్సులో అక్రమంగా మద్యం తరలిస్తున్నారని ఓ వ్యక్తిని అదుపులోకి తీసుకున్నారు. అతని వద్ద నుంచి 37 మిలిటరీ ఫుల్ మద్యం బాటిల్లను స్వాధీనం చేసుకున్నారు. పట్టుబడ్డ వ్యక్తిని ఆరెస్ట్ చేసి కోర్టులో హాజరు పరిచినట్లు సీఐ లక్ష్మణ్ స్వామి తెలిపారు.
పంజాబ్‌లో సీరియల్ కిల్లర్‌ను అరెస్టు చేశారు. బాధితులకు లిఫ్ట్ ఇచ్చి.. ఆ తర్వాత వారిని దోచుకుని సీరియల్ కిల్లర్ హత్యచేసినట్లు పోలీసులు తెలిపారు. 18 నెలల్లో 11 మందిని హత్య చేసినట్లు వెల్లడించారు. నిందితుడు హోషియార్‌పూర్ జిల్లా గర్‌శంకర్‌లోని చౌరా గ్రామానికి చెందిన రామ్‌సరూప్‌గా గుర్తించారు. హత్యకు గురైన వారందరూ పురుషులే అని పేర్కొన్నారు.
చెన్నై అన్నా యూనివర్సిటీలో దారుణం జరిగింది. యూనివర్సిటీలో చదువుతున్న 19 ఏళ్ల విద్యార్థినిపై గుర్తుతెలియని వ్యక్తులు లైంగిక దాడి చేశారు. తన ప్రియుడితో మాట్లాడుతున్న సమయంలో, ఇద్దరు వ్యక్తులు వచ్చి దాడి చేశారు. ప్రియుడిని కొట్టి, విద్యార్థినిపై లైంగిక దాడి చేశారు. డిసెంబర్ 23 సాయంత్రం ఈ ఘటన జరగగా.. ఒకరిని అరెస్ట్ చేసినట్లు పోలీసులు తెలిపారు.
W.G: ఉండి మండలం యండగండి పార్సిల్లో డెడ్ బాడీ కేసు రెండు మూడు రోజుల్లో పూర్తవుతుందని జిల్లా ఎస్సీ అద్నాన్ నయీం అన్నారు. ఈ కేసులో మీడియా సహకరించారని ఎస్పీ బుధవారం ఒకటవ పట్టణ పోలీస్ స్టేషన్‌లో మీడియా సమావేశంలో పేర్కొన్నారు. ఈ కేసు ఎన్నో మలుపులు తిరుగుతుందని.. దీనిపై పూర్తిస్థాయిలో విచారణ జరుగుతుందని రెండు మూడు రోజుల్లోనే నిందితులను ప్రకటిస్తామని అన్నారు.
TPT: రేణిగుంటలో బైక్‌ను గుర్తుతెలియని వాహనం ఢీకొని వ్యక్తి అక్కడికక్కడే దుర్మరణం చెందాడు. సీఐ శరత్ చంద్ర కథనం.. రేణిగుంట-కడప ప్రధాన రహదారిలోని మామండూరు సమీపంలో గుంటూరు జిల్లాకు చెందిన శ్రీనివాసులు (25) బైక్‌పై వెళ్తుండగా గుర్తు తెలియని వాహనం ఢీకొట్టడంతో అక్కడికక్కడే మృతి చెందాడు. పోలీసులు ఘటనా స్థలానికి చేరుకుని మృతదేహాన్ని పరిశీలిస్తున్నారు.
మహబూబాబాద్ జిల్లా సీరోలు మండలం కొత్తూరు(సి) గ్రామానికి చెందిన ఉబ్బెపల్లి సుకన్య (24) ఇవాళ ఉరేసుకొని ఆత్మహత్యకు పాల్పడింది. మహబూబాబాద్ మండలం అయోధ్య గ్రామానికి చెందిన ఉబ్బపెల్లి గణేష్‌తో మూడేళ్ల కింద వివాహం జరిగింది. కాపురం సాఫీగా సాగుతుండగా ఆకస్మికంగా సుకన్య ఆత్మహత్య చేసుకుంది. మృతికి గల కారణాలు తెలియాల్సి ఉంది. ఈ ఘటనపై పోలీసులు కేసు నమోదు చేశారు.
KRNL: ఆదోని పట్టణ శివారులోని ఆస్పరి రోడ్డులో అక్రమంగా నిల్వ ఉంచిన రేషన్ బియ్యాన్ని బుధవారం తాలుకా పోలీసులు స్వాధీనం చేసుకున్నారు. సమాచారం మేరకు ఆస్పరి వెళ్లే దారిలో గొర్రెల షెడ్డులో అక్రమంగా నిలువ ఉంచిన రేషన్ బియ్యం బస్తాలు గుర్తించి స్వాధీనం చేసుకొని విచారిస్తున్నట్లు తెలిపారు.
కజకిస్థాన్‌లో ఓ ప్రయాణికుల విమానం కూలిపోయిన విషయం తెలిసిందే. సాంకేతిక సమస్యలు తలెత్తడంతో ఎమర్జెన్సీ ల్యాండిగ్‌ చేస్తుండగా ఈ ప్రమాదం చోటుచేసుకుంది. ప్రమాద సమయంలో విమానంలో ఐదుగురు సిబ్బంది సహా మొత్తం 67 మంది ప్రయాణికులు ఉన్నారు. తాజాగా ఈ ఘటనలో 42 మంది మృతి చెందినట్లు అధికారుల వెల్లడించారు.
అన్నమయ్య: రాజంపేట పట్టణంలోని మన్నూరు రహదారి పక్కన ఒక గోవుకు బుధవారం ప్రమాదవశాత్తు తీవ్ర గాయాలు అయ్యాయని స్థానికులు ఆవేదన వ్యక్తం చేశారు. వెంటనే వైద్య అధికారులు స్పందించి వైద్య పరీక్షలు చేయాలని, గోవును కాపాడాలని గో సంరక్షణ సమితి సభ్యులు, రాజంపేట పట్టణవాసులు కోరుతున్నారు.
కజకిస్థాన్‌లో ఘోర ప్రమాదం చోటు చేసుకుంది. ప్రయాణికులతో వెళ్తున్న విమానం ఒక్కసారిగా కుప్పకూలింది. అక్తౌ సమీపంలో జరిగిన ఈ ప్రమాదంలో 72 మంది మృతి చెందినట్లు సమాచారం. ఘటనాస్థలంలో సహాయక చర్యలు కొనసాగుతున్నాయి. కాగా, ఈ ప్రమాదంపై పూర్తి వివరాలు తెలియాల్సి ఉంది.
KRNL: ఆటో బోల్తా పడి ఆరేళ్ల బాలుడు మృతి చెందిన ఘటన ఆదోని మండలంలో బుధవారం చోటు చేసుకుంది. ఆదోని మం. గనేకల్ గ్రామానికి చెందిన రామాంజిని నాగవేణి దంపతుల పెద్ద కుమారుడు అరవింద్.. ఆటోలో పాత ఆంజనేయస్వామి దేవాలయంకు వెళ్తున్నాడు. ఈ క్రమంలో సాయిబాబా విగ్రహం క్రాస్ దగ్గర ఒక్కసారిగా ఆటోబోల్తా పడి బాలుడు మృతి చెందాడు.
ప్రకాశం: పట్టణంలోని సాధుమియా వీధిలో ఓ విద్యుత్ స్తంభం బుధవారం ప్రమాదవశాత్తు నేలకొరిగింది. స్థానికులు వెంటనే ఈ విషయాన్ని గుర్తించి విద్యుత్ శాఖ అధికారులకు సమాచారం అందించారు. వెంటనే అధికారులు విద్యుత్ సరఫరాను నిలిపివేశారు. విద్యుత్ స్తంభం పడే సమయంలో ఎవరూ లేకపోవడంతో పెను ప్రమాదం తప్పిందని స్థానిక ప్రజలు ఊపిరి పీల్చుకున్నారు.
