Naga Shourya comments on young heroine Sreeleela
ప్రస్తుతం టాలీవుడ్‌లో యంగ్ బ్యూటీ శ్రీలీల(Sreeleela) హవా నడుస్తోంది. ఇప్పటి వరకు ఈమె చేసిన సినిమాల్లో రెండు మాత్రమే రిలీజ్ అయ్యాయి. కానీ అప్పుడే ఏకంగా ఏడెనిమిది సినిమాల్లో ఛాన్స్ కొట్టేసింది ఈ క్యూట్ బ్యూటీ. మామూలుగా అయితే.. చేతిలో రెండు మూడు పెద్ద సినిమాలుంటేనే.. వచ్చిన ఆఫర్లను రిజెక్ట్ చేస్తుంటారు హీరోయన్లు. కానీ శ్రీలీల మాత్రం అలా కాదు. వచ్చిన ప్రతి ఆఫర్‌ని తన ఖాతాలో వేసుకుంటూ.. స్టార్ హీరోయిన్లకు సైతం ఆఫర్లు లేకుండా చేస్తోంది. పెళ్లి సందడితో హీరోయిన్‌గా ఎంట్రీ ఇచ్చింది శ్రీలీల. కానీ అంతకంటే ముందే ఓ ఆఫర్‌ను రిజెక్ట్ చేసింది అమ్మడు. నాగశౌర్య(Naga Shourya) హీరోగా నటించిన ‘ఛలో’ సినిమాలో ముందుగా శ్రీలీలను హీరోయిన్‌గా అనుకున్నారు. కానీ ఎందుకో ఈ ప్రాజెక్ట్‌లో అమ్మడు సెట్ అవలేదు.
కానీ ఇదే సినిమాలో రష్మిక ఛాన్స్ కొట్టేసింది. అప్పటి నుంచి వెనక్కి తిరిగి చూసుకోలేదు రష్మిక. ఇటీవల ఓ ఇంటర్వ్యూలో నాగశౌర్యను ఛలో సినిమా హీరోయిన్ల గురించి అడగ్గా ఇంట్రెస్టింగ్ కామెంట్స్ చేశాడు. ఛలో సినిమాలో ముందుగా శ్రీలీల(Sreeleela)ను హీరోయిన్‌గా అనుకున్నారు. కానీ ఆ తర్వాత రష్మికను తీసుకున్నారు. ఇప్పుడు శ్రీలీల స్టార్ హీరోయిన్ రేంజ్‌కు వెళ్లింది కదా.. మీరేమంటారు అనే క్వశ్చన్ అడిగారు. దానికి నాగశౌర్య.. ‘ శ్రీలీలను స్టార్ హీరోయిన్‌గా చూడటం చాలా ఆనందంగా ఉంది. నిజమే.. ఛలో సినిమాలో ముందుగా శ్రీలీలనే హీరోయిన్‌గా అనుకున్నాం.. కానీ కుదరలేదు. అయితే ఇది మాత్రమే మీకు తెలుసు. కానీ శ్రీలీలకు కూడా తెలియని విషయం ఒకటి చెబుతాను.
నేను ఒకసారి బెంగళూరు నుండి ఫ్లైట్‌లో వస్తుంటే అందులో శ్రీలీల కూడా ఉంది. ఆ సమయంలో ఒక పెద్దావిడ ఫ్లైట్ ఎక్కింది. ఆమె సీట్ వెనకాల చాలా దూరంలో ఉంది. అప్పుడు శ్రీలీల తన సీటు ఆ ముసలావిడకు.. ఇచ్చి తను వెళ్లి వెనకాల కూర్చుంది. నాకు తెలిసి ఏ స్టార్ హీరోయిన్ కూడా అలా చేయరు.. కానీ తాను చేసింది. అంత మంచి మనసు ఉంది కాబట్టే శ్రీలీల ఈరోజు ఈ రేంజ్‌లో ఉంది..’ అంటూ చెప్పుకొచ్చాడు. నిజమే మరి.. ప్రస్తుతం శ్రీలీల.. మహేష్ బాబు SSMB28, పవన్ కళ్యాణ్ ‘ఉస్తాద్ భగత్ సింగ్’, బాలయ్య-అనిల్ రావిపూడి ఎన్బీకె 108, రామ్-బోయపాటి సినిమాతో పాటు.. అనగనగా ఒక రాజు, వైష్ణవ్ తేజ్‌, నితిన్‌లతో సినిమాలు చేస్తోంది. ఈ సినిమాల్లో సగానికి పైగా సెట్స్ పై ఉన్నాయి. ఇంకొన్ని ప్రాజెక్ట్స్ చర్చల దశలో ఉన్నాయి. ఏదేమైనా ప్రస్తుతం శ్రీలీల డిమాండ్(demand) ఓ రేంజ్‌లో ఉందని అంటున్నారు.
ఇది కూడా చూడండి: Britney Spears: స్టార్ సింగర్ డివొర్స్.. మొగుడు లేకపోతేనేం..? ఓ గుర్రాన్ని కొంటా
