Kedarnath Dham: కేదార్‌నాథ్ లో మరో ప్రత్యేక ఆకర్షణ.. భారీ ‘ఓం’ సింబల్

Kedarnath Dham: ఉత్తరాఖండ్‌(Uttarakhand)ని దేవభూమి అంటారు. కేదార్‌నాథ్ ధామ్(Kedarnath Dham) ఈ దేవభూమిపై ఉంది. ఇక్కడి గోల్ ప్లాజాలో ఓం గుర్తు ఆకారం అమర్చబడనుంది. దీని బరువు 60 క్వింటాళ్లు ఉంటుందని అధికారులు తెలిపారు. దీని స్థాపన కోసం జిల్లా విపత్తు నిర్వహణ అథారిటీ(District Disaster Management Authority) ద్వారా మొదటి ట్రయల్ పూర్తయింది. ఈ భారీ ఓం గుర్తును గుజరాత్‌(gujarat)లోని బరోడాలో తయారు చేసినట్లు చెబుతున్నారు. ఇది కంచుతో తయారు చేయబడింది. దీంతో పాటు మరింత ఆకర్షణీయంగా ఉండేలా ఇందులో లైట్లు కూడా ఏర్పాటు చేయనున్నట్టు టాక్. దీని కారణంగా ఓం గుర్తు రాత్రిపూట ఆకర్షణీయంగా కనిపిస్తుందని చెబుతున్నారు.

ఇది కూడా చూడండి: Viral Video: కెమెరా పెట్టిన చిచ్చు.. తెప్పలోనే తుక్కుతుక్కు కొట్టుకున్నారు

ప్రముఖ వార్తా సంస్థ ANI ఓం గుర్తు ట్రయల్ వీడియోను ట్వీట్ చేసింది. మార్గమధ్యంలో ఉన్న గోల్‌చౌక్‌పై ఓం గుర్తు పెట్టే ప్రయత్నం జరుగుతున్నట్లు ఇందులో కనిపిస్తోంది. కొంతమంది కింద నుండి పట్టుకున్నారు. ఈ గుర్తును తాడు సహాయంతో JCB ద్వారా పై నుండి పెడుతున్నారు. వీడియోలో ఓం గుర్తు చాలా ఆకర్షణీయంగా కనిపిస్తుంది.

#WATCH | Uttarakhand | A bronze idol, weighing 60 quintals, will be installed in Gol Plaza at Kedarnath Dham. To install this, the District Disaster Management Authority has conducted a successful trial. The idol has been made in Baroda, Gujarat. All four of its sides will be… pic.twitter.com/zK0M7eXvAo

— ANI UP/Uttarakhand (@ANINewsUP) May 22, 2023

యాత్రకు హిమపాతం సవాలు

ఉత్తరాఖండ్‌లోని చార్‌ధామ్‌(Chardham)ను సందర్శించేందుకు దేశంలోని నలుమూలల నుంచి వేలాది మంది భక్తులు తరలివచ్చారు. అయితే, మంచు, వర్షం కారణంగా చార్ధామ్ యాత్రపై ప్రభావం పడింది. చాలా సార్లు ప్రయాణం కూడా ఆపాల్సి వచ్చింది. ఉత్తరాఖండ్ సిఎం పుష్కర్ సింగ్ ధామి(CM Pushkar Singh Dhami) వాతావరణం క్షీణిస్తున్నందున భక్తులు జాగ్రత్తగా చార్ధామ్‌కు వెళ్లాలని సూచించారు.

మే 25 వరకు రిజిస్ట్రేషన్ ముగిసింది

అదే సమయంలో భక్తుల రిజిస్ట్రేషన్‌ను మే 25 వరకు నిలిపివేశారు. ఎందుకంటే ఈసారి భారీ సంఖ్యలో భక్తులు తరలివచ్చారు మరియు రిజిస్ట్రేషన్ పూర్తి అయింది.కేదార్‌నాథ్ ధామ్‌లో భక్తి వాతావరణం ఉంది. ప్రజలు శివుని నినాదాలు చేస్తూ కనిపించారు. బం భోలే భక్తిగీతాలతో కేదార్‌నాథ్ మొత్తం విశ్వాసంతో నిండిపోయింది.

ఇది కూడా చూడండి: Bengaluru: బెంగళూరులో భారీ వర్షం..మహిళ మృతి