Bandi Sanjay: బీజేపీ జాతీయ ప్రధాన కార్యదర్శి, ఎంపీ బండి సంజయ్ కుమార్‌పై కేసు నమోదైంది. నిన్న చెంగిచర్లలో జరిగిన ఘటనలో పోలీసు విధులకు ఆటంకం కలిగించారని కేసు నమోదు చేశారు. నాచారం సీఐ నందీశ్వర్ రెడ్డి ఫిర్యాదు మేరకు బండి సంజయ్‌తో పాటు మరో 9 మందిపై కేసు నమోదు చేశారు. ముస్లింల దాడిలో గాయపడ్డ బాధిత మహిళలను పరామర్శించేందుకు బండి సంజయ్ నిన్న చెంగిచర్లలోని పిట్టలబస్తీకి వెళ్లారు. బండి వెళ్లడంతో అక్కడ భారీగా జనం వచ్చారు. దీంతో పోలీసులు అనుమతి లేదని బారికేడ్లను అడ్డుపెట్టారు. కానీ బండి సంజయ్ బారికెడ్లను తోసుకుంటూ పోలీసులను గాయపర్చి లోపలికి వెళ్లారని సీఐ ఫిర్యాదు మేరకు మేడిపల్లి పోలీసులు కేసు నమోదు చేశారు.
ఇది కూడా చూడండి: Naveen Polishetty: నవీన్ పొలిశెట్టికి బైక్ యాక్సిడెంట్?
