KDP: కమలాపురం మండల పరిధిలోని గొల్లపల్లి సమీపాన శుక్రవారం రోడ్డు ప్రమాదం జరిగింది. ఈ ఘటనలో ముగ్గురికి తీవ్ర గాయాలయ్యాయి. స్థానికుల వివరాల ప్రకారం.. ఆగి ఉన్న ఆయిల్ ట్యాంకర్ను బైక్ ఢీకొనడంతో ఇద్దరు మహిళలకు, ఒక పురుషునికి గాయాలయ్యాయి. క్షతగాత్రులను 108 వాహనంలో ప్రొద్దుటూరు ప్రభుత్వాసుపత్రికి తరలించారు. గాయపడిన వారు పందిర్ల పల్లె గ్రామ వాసులుగా గుర్తించారు.
