YCP Mp Gorantla Madhav Reacts About Chandrababu Comments
Gorantla Madhav: వచ్చే ఎన్నికల్లో జగన్ గెలవడం ఖాయం.. చంద్రబాబు చస్తాడు అని వైసీపీ ఎంపీ గోరంట్ల మాధవ్ (Gorantla Madhav) ఇటీవల అన్నారు. దీనిపై దుమారం చెలరేగింది. టీడీపీ శ్రేణులు ఒంటికాలిపై లేచారు. దీంతో అసలు జరిగింది ఏంటో వివరించారు ఎంపీ. తాను బాబును అలా అనలేదని అంటున్నారు.
చదవండి: Praveen Prakash: లక్షల జీతాలు తీసుకొని.. పాఠాలు చెప్పకుంటే ఎలా.. టీచర్లపై ఫైర్
వచ్చే ఎన్నికల్లో వైసీపీ గెలిచి జగన్ సీఎం అవుతాడని.. అలాగే చంద్రబాబు రాజకీయంగా సమాధి అవుతారనే ఉద్దేశంతో కామెంట్ చేశానని మాధవ్ స్పష్టంచేశారు. ఉచ్చరణ దోషం వల్ల టీడీపీ నేతలకు అలా అనిపించి ఉండొచ్చని చెప్పారు. తన వ్యాఖ్యలను వక్రీకరించి, తప్పుగా ప్రచారం చేస్తున్నారని మండిపడ్డారు. అనని వ్యాఖ్యలను అన్నట్టుగా పేర్కొని తన పరువుకు భంగం కలిగిస్తున్నారని వివరించారు.
రాజకీయ సమాధి వ్యాఖ్య వేరు.. చస్తారు అనేది వేరు అని మాధవ్ చెబుతున్నారు. అనని వ్యాఖ్యలను అన్నట్టు ఊహించుకోవడం వారికి అలవాటు అని చెప్పారు. టీడీపీ నేతలు ఇప్పటికీ మాధవ్ వివరణను ఖండిస్తూనే ఉన్నారు. చంద్రబాబును అంతం చేసేందుకు ప్రణాళికలు రూపొందించారని పేర్కొన్నారు. అలా చెప్పడానికి ఎంపీ వ్యాఖ్యలే నిదర్శనం అంటున్నారు.
