టీడీపీ (TDP) నేత నారా లోకేష్ యువగళం (Yuvagaḷam) పాదయాత్రలో దివగంత ముఖ్యమంత్రి వైఎస్ రాజశేఖర్‌రెడ్డి(YS Rajasekhar Reddy)పై ఆసక్తికర వ్యాఖ్యలు చేశారు. ‘‘రాజకీయాల్లో ఓ లక్ష్మణ రేఖ ఉంటుంది. దాన్ని ఎవరూ దాటకూడదని ఈ విషయాన్ని మాజీ ముఖ్యమంత్రులు దివంగత వైఎస్ రాజశేఖర్ రెడ్డి, చంద్రబాబునాయుడు (Chandrababu Naidu) లు దీన్ని ఆచరించి చూపారని ఆయన తెలిపారు. వైఎస్సార్, చంద్రబాబు రాజకీయ ప్రత్యర్థులు అయినప్పటికీ, ఎప్పుడూ వ్యక్తిగతంగా దూషించుకోలేదు. ఇద్దరూ ఒకరి పట్ల ఒకరు ఎంతో గౌరవంగా మెలిగారు. వైఎస్ రాజశేఖర్ రెడ్డి ఏనాడూ రాష్ట్ర పరువు తీసిని దాఖలాలు లేవు.
చదవండి : Covid-19 ఒక్క రోజే పది వేల కరోనా కేసులు.. ఐదో వేవ్ వస్తుందా?
చంద్రబాబు చేసిన అభివృద్ధి పనులను వైఎస్సార్ కొనసాగించారు గాని చెడగొట్టలేదు’’ అన్నారు. అనంతపురం (Anantapur) జిల్లా తాడిపత్రి (Tadipatri)నియోజకవర్గంలోని యాడికి మండల కేంద్రం నారా లోకేశ్ (Nara Lokesh) యువగళం పాదయాత్ర బుధవారం 68వ రోజు జరిగింది. సీఎం జగన్ అధికారంలోకి వచ్చిన తర్వాత రాష్ట్ర పరువు పోయిందని నారా లోకేష్ విమర్మించారు. రాష్ట్రంలో ఎక్కడైనా, ఏదైనా అభివృద్ధి జరిగిందా అనే విషయాన్ని ప్రజలు ఆలోచించాలని సూచించారు. టీడీపీ (TDP) కార్యకర్తలపై అక్రమ కేసులు పెట్టిన అధికారులపై న్యాయ పోరాటానికి సిద్ధమని నారా లోకేష్ తెలిపారు. ఏ ప్రభుత్వం శాశ్వతం కాదని, ఎప్పుడో ఒకప్పుడు దిగిపోవాల్సి వస్తుందన్నరు. వ్యవస్థ మాత్రమే శాశ్వతం అన్న విషయాన్ని అధికారులు గుర్తించుకోవాలని లోకేష్ హితవు పలికారు. లోకేష్ కామెంట్స్ రాజకీయ వర్గాల్లో హాట్‌ టాపిక్‌గా మారాయి.
చదవండి : అసభ్య ప్రవర్తన.. కలెక్టర్, డీఈవోకు ఫిర్యాదు, సస్పెండ్
