Janasena's star campaigners are these.. Ambati Rayudu's place
Janasena: జనసేన అధినేత పవన్ కళ్యాణ్ జోరు పెంచారు. ఏపీలో ప్రచారాన్ని ముమ్మరం చేయాలని నిర్ణయించుకున్నారు. అసెంబ్లీ, లోక్ సభ ఎన్నికలకు ప్రచారం చేసే స్టార్ క్యాంపెయినర్లను ప్రకటించారు. జాబితాలో సినీ నటులు, టీవీ నటులు, క్రికెటర్ ఉన్నారు. ఇటీవల జనసేన పార్టీలో చేరిన అంబటి రాయుడును కూడా స్టార్ క్యాంపెయినర్‌గా పవన్ కల్యాణ్ ఎంపిక చేశారు. క్రికెటర్ అంబటి రాయుడు కొన్ని నెలల క్రితం ఆటకు రిటైర్మెంట్ ప్రకటించారు. రాజకీయాలంటే ఆసక్తితో వైసీపీలో చేరారు. గుంటూరు లోక్ సభ సీటు ఆశించి భంగపడ్డారు. తర్వాత వైసీపీకి రాజీనామా చేసి జనసేన పార్టీలో చేరారు. ప్రస్తుతం ఎన్నికల బరిలో నిలవకుండా జనసేనకు ప్రచారం చేసేందుకు మొగ్గు చూపారు. దీంతో అధినేత పవన్ కళ్యాణ్.. అంబటి రాయుడిని స్టార్ క్యాంపైనర్‌గా నియమించారు. దీంతో రాయుడు అసెంబ్లీ, లోక్ సభ నియోజకవర్గాల్లో ప్రచారం నిర్వహిస్తారు.
చదవండి:Mohammed Iqbal: టీడీపీలో చేరిన వైసీపీ ఎమ్మెల్యే!
అంబటి రాయుడుతోపాటు పవన్ కల్యాణ్ సోదరుడు నాగబాబు, కొరియోగ్రాఫర్ జానీ, నటులు సాగర్, పృథ్వీ, హైపర్ ఆది, గెటప్ శ్రీను స్టార్ క్యాంపెయినర్లు అని పవన్ కల్యాణ్ ప్రకటించారు. వీరంతా ఆయా అసెంబ్లీ, లోక్ సభ నియోజకవర్గాల్లో ప్రచారం చేస్తారు. మరోవైపు మచిలీపట్నం పార్లమెంట్ ఎన్నికల నిర్వహణ కమిటీని కూడా పవన్ కల్యాణ్ ప్రకటించారు. బండి రామకృష్ణ కార్యదర్శిగా, సభ్యులుగా అక్కల రామ్మోహన రావు , పంచకర్ల సందీప్, బోనీ పార్వతి, చిలకలపూడి పాపారావు, బాడిత శంకర్, అజయ్ వర్మ ఠాకూర్ కొనసాగుతారని వెల్లడించారు.
చదవండి:Supreme Court: బాబా రాందేవ్‌పై సుప్రీంకోర్టు ఆగ్రహం
