ఆంధ్రప్రదేశ్ లోని విశాఖపట్నంలో నేడు తూర్పు నౌకాదళ కమాండ్ ఆధ్వర్యంలో నేవీ విన్యాసాలు వేడుకగా సాగాయి. భారత నేవీ వాయు విభాగం, సైనికులంతా ఈ విన్యాసాల్లో పాల్గొన్నారు. విశాఖలోని ఆర్కే బీచ్ వద్ద ఈ విన్యాసాలను నిర్వహించారు. ఈ కార్యక్రమానికి ముఖ్య అతిథిగా ఏపీ గవర్నర్ అబ్దుల్ నజీర్ విచ్చేశారు.
https://twitter.com/i/status/1733850288929542511
భారత సైన్యం చేపట్టిన విన్యాసాలను చూడ్డానికి భారీగా జనాలు తరలి వచ్చారు. కార్యక్రమంలో భారత నేవీ పరాక్రమం, ప్రతిభా పాటవాలను సైనికులు ఘనంగా ప్రదర్శించారు. భారత నావికాదళ దినోత్సవాన్ని పురస్కరించుకుని ఈ విన్యాసాలను నిర్వహించినట్లు అధికారులు వెల్లడించారు. ఇందులో నేవీ కమాండోలు పాల్గొని తీర ప్రాంతానికి ముప్పు వాటిల్లితే ఎలా కాపాడాలనే విషయాలపై అవగాహన కల్పించడమే కాకుండా చక్కటి ప్రదర్శన కూడా ఇచ్చారు.
Vizag…❤️
Navy Day Celebration…..❤️#Vizag #Navy pic.twitter.com/eBnznI8GN9— Rebel Tarak..™ (@PREM_DHFPT45) December 10, 2023
కార్యక్రమంలో పోరాట హెలికాప్టర్లు, నేవీకి చెందిన బోట్లు, బీఎంపీ యుద్ధ ట్యాంకులు, మీడియం ల్యాండింగ్ షిప్పులతో అధికారులు ప్రదర్శనలు చేశారు. సముద్రంలో నిర్దేశించిన మేరకు లక్ష్యాలను పేల్చివేయడం కూడా ఈ విన్యాసాల్లో ప్రదర్శించగా అందరూ తిలకించారు. త్రివర్ణ పతాకాన్ని ప్రదర్శిస్తూ పారాట్రూపర్ల విన్యాసాలు వీక్షకులకు కనువిందు చేశాయి. నేవీ విన్యాసాల సందర్భంగా ఆర్కే బీచ్ కు వెళ్లే అన్ని రహదారుల్లో ట్రాఫిక్ ఆంక్షలను అధికారులు నిర్వహించారు.
