Fire Accident In Vijayawada : ఆంధ్రప్రదేశ్‌లోని విజయవాడలో ఉన్న న్యూ ఆటో నగర్‌లో భారీ అగ్ని ప్రమాదం చోటు చేసుకుంది. దీంతో ఆ ప్రాంతం అంతా మంటలు ఎగసి పడ్డాయి. చుట్టుపక్కల అంతా భారీగా పొగ దట్టంగా కమ్ముకుంది. అక్కడ ఆయిల్‌ శుద్ధి చేసే కేంద్రంలో ఒక్కసారిగా పెద్ద ఎత్తున మంటలు చెలరేగాయి. షార్ట్‌ సర్క్యూట్‌(short circuit) వల్లనే ఈ ప్రమాదం జరిగి ఉండొచ్చని భావిస్తున్నారు.
చదవండి : ప్రపంచ 500 మంది సంపన్నుల జాబితాలో ట్రంప్!
సమాచారం అందుకున్న అగ్నిమాపక సిబ్బంది హుటాహుటిన ఘటనా స్థలానికి చేరుకున్నారు. ఐదు ఫైర్‌ ఇంజిన్లతో మంటలను అదుపులోకి తెచ్చారు. మంటలు చెలరేగిన సమయంలో ఆయిల్‌ శుద్ధి కేంద్రంలో ఎవరూ లేకపోవడంతో పెద్ద ప్రమాదం తప్పిందని అక్కడి అధికారులు చెబుతున్నారు. ఎలాంటి అనుమతులూ లేకుండా ఈ కర్మాగారాన్ని నడుపుతున్నట్లు తెలుస్తోంది.
చదవండి : ఉగ్రదాడిలో పాల్గొన్న ఉగ్రవాదులు వీరే.. మీడియాకు చూపించిన రష్యా
ఇక్కడ క్రూడ్‌ ఆయిల్‌ నుంచి గ్రీజ్‌ను తయారు చేస్తారని స్థానికులు చెబుతున్నారు. ఈ ఘటనపై సమాచారం అందుకున్న పోలీసులు వెంటనే ఘటనా స్థలానికి చేరుకున్నారు. ఘటన ఎలా జరిగిందన్న కోణంలో దర్యాప్తు చేస్తున్నారు. అనుమతులు లేకుండా దీన్ని రన్‌ చేయడంపై దృష్టి సారించారు.
