శ్రీ సత్యసాయి జిల్లా కదిరిలోని (Kadiri) దేవళం బజారులో అక్రమణ తొలిగింపు వ్యవహారం తీవ్ర ఉద్రిక్తతకు నెలకొంది. అర్ధరాత్రి వరకూ హైడ్రామా చోటుచేసుకుంది. కదిరి అర్బన్ సీఐ మధు వీరంగం సృష్టించాడు. అసభ్య పదజాలంతో మహిళలను దూషించారు. అర్ధరాత్రి దాటాక కదిరి టీడీపీ ఇన్‌చార్జ్ కందికుంటను పోలీసులు వదిలేశారు. ఉద్రిక్త పరిస్థితుల నేపధ్యంలో నేడు కదిరికి జిల్లా ఎస్పీ రాహుల్ దేవ్ (SP Rahul Dev) సందర్శించనున్నరు. సీఐ ని సస్పెండ్ చేయాలని టీడీపీ (TDP) డిమాండ్ చేస్తోంది. సీఐ(CI) మీసాలు తిప్పి, తొడ కొట్టడం ఏంటని ప్రశ్నిస్తున్నారు. సీఐ తీరు గుండాలు వ్యవహరించినట్టు ఉందని తెలుగుదేశం నేతలు ఆరోపించారు. దీంతో ఉద్రిక్త ఘటనలు చోటు చేసుకోకుండా కదిరిలో భారీగా బలగాల మోహరించాయి. ఘటనలో పలువురు స్థానికులకు గాయాలయ్యాయి. పోలీసులు కొట్టడంతో తలపై గాయాలతో రక్తమోడుతూ కనిపించారు బాధితులు.
చదవండి : జిమ్ కు వెళ్లి గుండెపోటుతో సాఫ్ట్ వేర్ ఇంజినీర్ మృతి
సీఐ(CI) వీరంగాన్ని చిత్రీకరిస్తున్న మీడియా (Media) పైనా పోలీసులు దాడికి దిగారు. కొందర్నీ బూటుకాళ్లతో తన్ని తన కావరాన్ని ప్రదర్శించాడు సీఐ. పలువురిని అరెస్ట్‌ చేయడంతో.. వెంటనే కదిరి పోలీస్ స్టేషన్‌ దగ్గర బైఠాయించి టీడీపీ ఇంచార్జ్ కందికుంట వెంకటప్రసాద్ నిరసన తెలిపారు.ఘటనలో గాయపడిన బాధితులను ప్రభుత్వ ఆస్పత్రిలో టీడీపీ నాయకులు పరిటాల సునీత, బి.కె.పార్థసారధి, నిమ్మల కిష్టప్ప, పల్లె రఘునాథరెడ్డి పరామర్శించారు. మహిళా కౌన్సిలర్‌ పట్ల వ్యవహరించిన తీరుపై తీవ్ర విమర్శలు వస్తున్నాయి. ఎలాంటి నోటీసులు లేకుండా ఆక్రమణలు తొలగిస్తున్న వైనాన్ని కౌన్సిలర్‌( Councillor) సుధారాణి అడ్డుకున్నారు. దీంతో అక్కడికి చేరుకున్న సీఐ (CI) మధు కౌన్సిలర్‌తో వాదనకు దిగారు. సభ్య సమాజం తలదించుకునేలా సీఐ మాటతీరు ఉండటం వివాదానికి దారి తీసింది. మహిళలను కించపరిచేలా మాట్లాడిన వారిపై చర్యలు తీసుకోవాలని టీడీపీ నేతలు డిమాండ్ చేస్తున్నారు
చదవండి : తెలంగాణలో బీఆర్ఎస్ వచ్చే పరిస్థితి లేదు..కాంగ్రెస్ పుంజుకుంటుంది
