నందమూరి హీరో కల్యాణ్ రామ్ హీరోగా ‘అమిగోస్’ సినిమా తెరకెక్కుతోంది. ఈ సినిమాను మైత్రీ మూవీ మేకర్స్ వారు నిర్మిస్తున్నారు. రాజేంద్ర రెడ్డి దర్శకత్వం వహిస్తున్నారు. డిఫరెంట్ లుక్స్ తో డిఫరెంట్ కాన్సెప్ట్స్ తో ఈ సినిమా రూపొందుతోంది. ఈ సినిమా ద్వారా ఆషిక రంగనాథ్ అనే హీరోయిన్ ఎంట్రీ ఇస్తోంది.
తాజాగా ‘అమిగోస్’ సినిమా నుంచి లిరికల్ సాంగ్ రిలీజ్ అయ్యింది. ‘ఎక ఎక ఎకా .. ఎక్కడున్నా స్నేహం వెతికాం, పక పక పక ఇక్కడికి వచ్చి ఒకరికి ఒకరం దొరికాం’ అంటూ ఈ పాటు సాగుతుంది. ఈ మూవీకి గిబ్రాన్ మ్యూజిక్ అందిస్తున్నారు. ఫిబ్రవరి 10వ తేదీన ఈ మూవీని విడుదల చేస్తున్నారు. కల్యాణ్ రామ్ ఇందులో మూడు పాత్రల్లో కనిపించనున్నారు.
