నేచురల్ స్టార్ నాని హీరోగా దసరా అనే సినిమా తెరకెక్కుతోంది. ఈ సినిమా భారీ అంచనాల మధ్య విడుదల కానుంది. శ్యామ్ సింగరాయ్, అంటే సుందరానికి సినిమాల తర్వాత నాని దసరా సినిమా చేస్తున్నాడు. నాని ఇప్పటి వరకూ ఏ సినిమాలో కనిపించని పాత్రలో నటిస్తున్నాడు. 1980 తెలంగాణలోని సింగరేణి బ్యాక్ డ్రాప్ లో ఈ సినిమా రూపొందింది. ఈ సినిమాలో నానికి జోడిగా కీర్తి సురేశ్ నటిస్తోంది. ఇప్పటి వరకూ ఈ సినిమా ఫస్ట్ లుక్ ను, గ్లింప్స్ ను విడుదల చేశారు. దీంతో ఈ సినిమాపై భారీ అంచనాలు నెలకొన్నాయి. ముఖ్యంగా సహజంగా ఉండే లొకేషన్స్ లోనే ఈ సినిమాను షూటింగ ను పూర్తి చేశారు. సింగరేణి నేపథ్యంలో జరిగిన కొన్ని సంఘటనలను కళ్లకు కట్టినట్లుగా చూపించినట్లు సమాచారం.
ఈ సినిమా ద్వారా శ్రీకాంత్ ఓదెల అనే కొత్త దర్శకుడు టాలీవుడ్ కు పరిచయం అవుతున్నాడు. సినిమా ఇప్పటికే దాదాపుగా పూర్తికావొచ్చింది. మార్చి 30వ తేది ఈ సినిమాను ప్రపంచ వ్యాప్తంగా విడుదల చేయనున్నారు. ఈ సినిమా విడుదలకు ఇంకా రెండు నెలల సమయం ఉన్నప్పటికీ చిత్ర యూనిట్ ఇప్పటికే ప్రమోషన్స్ ప్రారంభించింది. నేడు ఈ సినిమాకు సంబంధించిన టీజర్ ను విడుదల చేసింది. తెలుగుతో పాటుగా ఇతర భాషల్లోనూ ఈ సినిమా టీజర్ ను విడుదల చేశారు. హిందీ టీజర్ ను షాహిద్ కపూర్, తమిళ్ టీజర్ ను ధనుష్, మలయాళం టీజర్ ను దుల్కర్ సల్మాన్, కన్నడ టీజర్ ను రక్షిత్ శెట్టి లాంచ్ చేశారు. హైదరాబాద్ లోని మల్లారెడ్డి కాలేజీలో టీజర్ ఈవెంట్ ను నిర్వహించారు. టీజర్ లోని సీన్లు గూస్ బంప్స్ తెప్పిస్తున్నారు.
