మే 12న తెలుగు, తమిళ భాషల్లో విడుదలైన కస్టడీ చిత్రం అనుకున్న స్థాయిలో సక్సెస్ అందుకోలేకపోయింది. వసూళ్ల పరంగా తీవ్రంగా నిరాశ పరిచింది. ఫస్ట్ వీకెండ్‌ కేవలం 6 కోట్లకు పైగా మాత్రమే వసూళు చేసింది. నాగ చైతన్య లాంటి హీరోకి ఇది చాలా తక్కువ ఫిగర్. ఇక మండే నాడు తెలుగులో థియేటర్ ఆక్యుపెన్సీ దారుణంగా ఉందని అంటున్నారు. దీంతో కస్టడీ కూడా డిజాస్టర్ లిస్ట్‌లోకి వెళ్లిపోయింది. ఈ సినిమాను స్క్రీన్‌ ప్లే మాస్టర్‌గా పేరున్న వెంకట్ ప్రభు తెరకెక్కించాడు. ఈయన పై ఎంతో నమ్మకంతో చైతన్య సినిమా చేశాడు. మానాడు సినిమా చూసిన తర్వాత పిలిచి మరీ ఛాన్స్ ఇచ్చాడు. కానీ కస్టడీ గట్టి దెబ్బేసింది. అయినా కూడా వెంకట్ ప్రభుతో సినిమాలు చేయడానికి స్టార్ హీరోలు సై అంటున్నారు.
చదవండి: Actress Purna: మొదటిసారి తన కొడుకును చూపించిన పూర్ణ
ఇప్పటికే కోలీవుడ్ స్టార్ హీరోలు అజిత్ కుమార్, విజయ్ కోసం రెండు కథలను రెడీ చేసుకున్నాడట. ఇప్పుడు వాళ్లతోనే సినిమా కోసం గట్టిగా ట్రై చేస్తున్నాడట. కోలీవుడ్ వర్గాల సమాచారం ప్రకారం.. ఇళయదళపతి విజయ్‌తో ఇప్పటికే కథా చర్చలు కూడా జరిపినట్లు తెలిసింది. వెంకట్ ప్రభు చెప్పిన యాక్షన్ థ్రిల్లర్ స్క్రిప్టు విజయ్‌కి బాగా నచ్చిందట. దీంతో వెంటనే ఈ ప్రాజెక్ట్‌కు విజయ్ గ్రీన్ సిగ్నల్ ఇచ్చాడని తెలుస్తోంది. అతి త్వరలోనే దీనికి సంబంధించిన అఫిషీయల్ అనౌన్స్మెంట్ రానుందని అంటున్నారు. ప్రస్తుతం విజయ్.. లోకేష్ కనగరాజ్‌తో లియో సినిమా చేస్తున్నాడు. దీని తర్వాత వెంకట్ ప్రభు సినిమా ఉంటుందని టాక్. అయితే ఇప్పటికే విజయ్‌తో బడా బడా డైరెక్టర్లు సినిమాలు చేసేందుకు వెయిట్ చేస్తున్నారు. ఇలాంటి సమయంలో ఫ్లాప్ ఇచ్చిన వెంకట్‌తో సినిమా చేస్తాడా? లేదా? అనేది ఇప్పుడే చెప్పలేం.
