Ram Mandir : రామాలయ ప్రారంభోత్సవానికి సన్నాహాలు ముమ్మరం అవుతున్నాయి. రామ మందిరం పట్ల ప్రజల్లో విపరీతమైన ఉత్సాహం ఉంది. రాముడి ప్రతిష్టాపనకు ముందు విమాన ఛార్జీల ధరలు ఆకాశాన్నంటాయి. అయోధ్యకు వెళ్లే విమానాల ఛార్జీల రేట్లు అనేక అంతర్జాతీయ మార్గాల్లోని విమానాల కంటే ఎక్కువగా ఉన్నాయి. దీని వల్ల సింగపూర్, బ్యాంకాక్‌లకు వెళ్లడం కంటే ఇప్పుడు అయోధ్యకు వెళ్లడం ఖరీదైందని భక్తులు అనుకుంటున్నారు. నిజానికి జనవరి 22న రామమందిరం ప్రారంభోత్సవానికి ముందే నగరానికి పర్యాటకుల తాకిడి మొదలైంది. ఇది హోటల్, రైలు, ఇప్పుడు విమాన ఛార్జీలపై ప్రభావం చూపుతోంది. జనవరి 19న ముంబయి నుంచి అయోధ్యకు వెళ్లే టిక్కెట్‌ను తనిఖీ చేయగా, ఇండిగో విమానానికి రూ. 20,700గా చూపబడింది. అదేవిధంగా జనవరి 20వ తేదీ విమానానికి కూడా దాదాపు రూ.20 వేలు ధర పలుకుతున్నట్లు తెలుస్తోంది. దాదాపు అన్ని విమానయాన సంస్థల పరిస్థితి కూడా ఇదే. అయోధ్యకు విమాన ఛార్జీలు అనేక అంతర్జాతీయ మార్గాలలో ధర కంటే ఎక్కువగా ఉన్నాయి. జనవరి 19న ముంబై నుంచి సింగపూర్‌కు వెళ్లే విమానాన్ని తనిఖీ చేసినప్పుడు, నేరుగా ఎయిర్ ఇండియా విమానానికి రూ. 10,987గా చూపబడింది. అదేవిధంగా జనవరి 19న ముంబై నుంచి నేరుగా బ్యాంకాక్‌కు వెళ్లేందుకు రూ.13,800గా నిర్ణయించారు.
చదవండి:Ram Mandir : అయోధ్య రామాలయంలోని గంటకు ఎందుకంత ప్రత్యేకత
అయోధ్యలో రామ మందిర ప్రారంభోత్సవానికి ముందు, కొత్త విమానాశ్రయం సిద్ధంగా ఉంది. ఈ విమానాశ్రయానికి మహర్షి వాల్మీకి అంతర్జాతీయ విమానాశ్రయం అని పేరు పెట్టారు. ఇటీవలే ఈ విమానాశ్రయాన్ని ప్రధాని నరేంద్ర మోడీ ప్రారంభించారు. ప్రస్తుతం, ఎయిర్ ఇండియా ఎక్స్‌ప్రెస్, ఇండిగో అనే రెండు విమానయాన సంస్థలు మాత్రమే అయోధ్యకు విమానాలను నడుపుతున్నట్లు ప్రకటించాయి. ఆలయ ప్రారంభోత్సవానికి ముందు అయోధ్యలో అనేక రకాల వ్యాపార కార్యకలాపాలు ఊపందుకున్నాయి. రానున్న రోజుల్లో డిమాండ్‌, భారీ టూరిజం మార్కెట్‌ను దృష్టిలో ఉంచుకుని పలు కంపెనీలు సన్నాహాలు చేస్తున్నాయి. అయోధ్య కోసం ప్రజలు పెద్ద ఎత్తున హోటళ్ల కోసం వెతుకుతున్నారని ఆతిథ్య సంస్థ ఓయో వ్యవస్థాపకుడు రితేష్ అగర్వాల్ వారం క్రితం చెప్పారు. గోవా వంటి పర్యాటక ప్రాంతాలు అయోధ్య కంటే వెనుకబడే పరిస్థితి నెలకొంది.
చదవండి:Flipkart Lay Off: ఫ్లిప్‌కార్ట్‌లో ఉద్యోగాల కోత.. దయనీయంగా 7 శాతం ఉద్యోగుల పరిస్థితి
