Chandrababu: ప్రపంచంలో తెలుగువారు నంబర్‌వన్‌గా ఉండాలనేది నా ఆకాంక్షని టీడీపీ అధినేత చంద్రబాబు తెలిపారు. బెంగళూరులో నిర్వహించిన టీడీపీ ఫోరం సమావేశం సందర్భంగా మాట్లాడుతూ ఈ విషయం తెలిపారు. రైతు కుటుంబంలో పుట్టిన నేను ఐటీని ప్రోత్సహించాను. అప్పట్లో ఐటీ ఏర్పాటు చేస్తానన్నప్పుడు విజన్-2020 అని చెప్పినప్పుడు నన్ను హేళన చేశారని అన్నారు. వైసీపీ పాలనలో ఏపీలోని అన్ని వ్యవస్థలు భ్రష్టుపట్టాయి. రానున్న ఎన్నికలు ఎందుకు ముఖ్యమని ప్రజలకు వివరించాలి. పేదరికం లేని సమాజం చూడాలనేది నా జీవిత ఆశయమని తెలిపారు.
ఇది కూడా చూడండి: Fire accident: చలి భరించలేక అగ్గి రాజేశాడు.. శవమయ్యాడు
పది మందికి ఉద్యోగం ఇచ్చే స్థాయికి విద్యార్థులు ఎదగాలని అన్నారు. నన్ను మొదటిసారి గెలిపించింది విద్యార్థులే అని చంద్రబాబు తెలిపారు. ఒకప్పుడు అమ్మాయిలు కట్నం ఇచ్చేవారు. కానీ ప్రస్తుతం అబ్బాయిలే తిరిగి కట్నం ఇచ్చి పెళ్లి చేసుకుంటున్నారు. భర్తల కంటే భార్యలే ఎక్కువగా సంపాదిస్తున్నారని చంద్రబాబు వ్యాఖ్యనించారు. అలాగే కుప్పం నియోజకవర్గ సమన్వయ కమిటీ సభ్యులు త్రిలోక్‌ను చంద్రబాబు పరామర్శించారు. తీవ్ర అనారోగ్యానికి గురైన త్రిలోక్ ఆరోగ్య పరిస్థితిపై కుటుంబ సభ్యులతో మాట్లాడి.. పార్టీ అండగా ఉంటుందని ధైర్యం చెప్పారు.
ఇది కూడా చూడండి: Reliance Bharatgpt: చాట్ జీపీటీకి పోటీగా భారత్ జీపీటీ
