Salaar: పాన్ ఇండియా స్టార్ ప్రభాస్, కేజీఎఫ్ ఫేమ్ ప్రశాంత్ నీల్ డైరక్షన్‌లో తెరకెక్కిన చిత్రం సలార్. డిసెంబర్ 22న ఈ సినిమా ప్రపంచవ్యాప్తంగా థియేటర్స్‌లో రిలీజ్ అవుతుంది. సలార్ టికెట్స్ కోసం రెబల్ స్టార్ ఫ్యాన్స్ ఎంతోగానో వెయిట్ చేశారు. అయితే తెలుగు రాష్ట్రాల్లో సలార్ అడ్వాన్స్ బుకింగ్స్ నిన్ని రాత్రి మొదలయ్యాయి. ఈ విషయాన్ని చిత్ర నిర్మాణ సంస్థ హోంబలే ఫిలిమ్స్, సినిమాను నైజాంలో డిస్ట్రిబ్యూట్ చేస్తున్న మైత్రీ మూవీ మేకర్స్ సోషల్ మీడియా ద్వారా తెలిపారు. దీంతో రెబల్ స్టార్ ఫ్యాన్స్ నిన్న రాత్రి 8:24 గంటలకు బుక్ మై షో యాప్ ఓపెన్ చేశారు. ఒక్కసారిగా లక్షలాది మంది ఓపెన్ చేయడంతో యాప్ పనిచేయలేదు. క్రాష్ అయ్యింది. క్రాష్ అయిన యాప్ స్క్రీన్ షాట్స్ తీసి నెటిజన్లు సోషల్ మీడియాలో షేర్ చేశారు.
#Salaar effect ! #Prabhas !!👍 pic.twitter.com/v3WyFTuThH
— Shobu Yarlagadda (@Shobu_) December 19, 2023
ఇది కూడా చూడండి: Droupadi Murmu: నేడు భూదాన్ పోచంపల్లిలో పర్యటించనున్న రాష్ట్రపతి
యాప్ క్రాష్ కావడంతో కాసేపు బ్రేక్ ఇచ్చిన బుక్ మై షో, ఆ తర్వాత అన్ని థియేటర్ల టికెట్స్ ఒకేసారి అప్‌లోడ్ చేయలేదు. దీంతో నెమ్మదిగా ఒక్కో థియేటర్ బుకింగ్స్ ఓపెన్ చేయడం మొదలు పెట్టింది. నటసింహం నందమూరి బాలకృష్ణ హోస్ట్ చేసిన ‘అన్‌స్టాపబుల్’ టాక్ షోకి ప్రభాస్ అతిథిగా వచ్చిన సంగతి తెలిసిందే. ఆ ఎపిసోడ్ స్ట్రీమింగ్ రోజున కూడా ఆహా యాప్ పని చేయలేదు. ప్రభాస్ ఫ్యాన్స్ ఎక్కువ మంది ఓపెన్ చేయడంతో ఆహా యాప్ క్రాష్ అయ్యింది. ఇప్పుడు ‘బుక్ మై షో’ కూడా క్రాష్ అయ్యింది.
ఇది కూడా చూడండి: Donald Trump: సుప్రీంకోర్టు సంచలన తీర్పు.. ట్రంప్‌కు భారీ షాక్!
