తెలుగువారికి పద్మ అవార్డుల పైన టిడిపి జాతీయ అధ్యక్షులు, మాజీ ముఖ్యమంత్రి నారా చంద్రబాబు నాయుడు స్పందించారు. పద్మ అవార్డులు సాధించిన వారికి ఆయన శుభాకాంక్షలు తెలిపారు. ఈ సందర్భంగా తెలుగువారి కృషిని కేంద్ర ప్రభుత్వం గుర్తించడం ఆనందంగా ఉందని వ్యాఖ్యానించారు. పద్మ అవార్డులు సాధించిన తెలుగు వారందరికీ శుభాకాంక్షలు తెలియజేస్తున్నానని, ఎందరో తెలుగువారి అద్భుతమైన కృషిని గుర్తించడం తనకు చాలా సంతోషాన్ని కలిగించిందని పేర్కొన్నారు. మున్ముందు వారు మరెన్నో గొప్ప విజయాలు సాధించాలని కోరుకుంటున్నట్లు తెలిపారు.
పదిమంది తెలుగు వారిని పద్మ అవార్డులు వరించిన విషయం తెలిసిందే. ఆంధ్ర ప్రదేశ్ నుండి ఏడుగురికి, తెలంగాణ నుండి ముగ్గురికి పద్మాలు వచ్చాయి. కీరవాణికి పద్మ, , చినజీయర్ స్వామికి పద్మభూషణ్ వచ్చాయి. కమలేష్ డి పటేల్, విజయ గుప్త, రామకృష్ణ రెడ్డి, అబ్బారెడ్డి నాగేశ్వర రావు, సీవీ రావు, కోట సచ్చిదానంద శాస్త్రి, ప్రకాష్ చంద్రచుడ్, సంకురత్రి చంద్రశేఖర్ రావులను అవార్డులు వరించాయి. మొత్తం 106 పద్మ అవార్డులు దక్కాయి. ఈ జాబితాలో పద్మ విభూషణ్ 6, పద్మభూషణ్ 9, పద్మశ్రీ 91 ఉన్నాయి. మోడీ ప్రభుత్వం వచ్చాక రాజకీయాలు పక్కన పెట్టి పద్మ అవార్డులు ఇస్తోంది. అందుకే తాజా జాబితాలోనూ ఎస్ ఎం కృష్ణ, ములాయం సింగ్ యాదవ్ అన్నారు.
