what about sreeleela guntur karam also flop
పెళ్లి సందడి సినిమా రిలీజ్ అవగానే.. ఏకంగా అరడజనుకు పైగా ఆఫర్లు అందుకుంది శ్రీలీల(sreeleela). వచ్చిన ప్రతి ఆఫర్‌ను ఓకే చేసేసింది అమ్మడు. పవన్ కళ్యాణ్, మహేష్ బాబు లాంటి స్టార్ హీరోల సినిమాలతో పాటు యంగ్ హీరోల సరసన కూడా రొమాన్స్ చేస్తోంది. అసలు చిన్నా, పెద్ద అనే తేడా లేకుండా అందరి హీరోలతో నటిస్తోంది. మొత్తంగా కెరీర్ స్టార్ట్ అయిన అతి తక్కువ సమయంలోనే స్టార్ హీరోస్ పక్కన హీరోయిన్‌గా నటించే ఛాన్స్ అందుకుంది శ్రీలీల. అంతేకాదు.. శ్రీలీల చేస్తున్న సినిమాలు నెలకొకటి రిలీజ్ అవుతున్నాయి. అయితే ధమాకా తర్వాత తర్వాత శ్రీలీల ఒక్కటే హిట్ అందుకుంది ఈ బ్యూటీ. దసరాకు వచ్చిన బాలయ్య ‘భగతవంత్ కేసరి’తో హిట్ కొట్టింది.
ఇది తప్పితే.. వరుసగా రెండు సినిమాలతో ఫ్లాప్ అందుకుంది. రామ్‌తో చేసిన స్కంద సినిమా ఫ్లాప్ అయింది. ఈ సినిమా శ్రీలీల కెరీర్‌కు ఏ విధంగాను కలిసి రాలేదు. ఆ తర్వాత వైష్ణవ్ తేజ్‌ ‘ఆదికేశవ’ సినిమా కూడా హిట్ ఇవ్వలేకపోయింది. ఈ సినిమాలో శ్రీలీల పాత్రకు పెద్దగా ఇంపార్టెన్స్ ఇవ్వలేదు. ఇక ఇప్పుడు స్కంద, ఆదికేశవ దారిలోనే నితిన్ ‘ఎక్స్‌ట్రా ఆర్డినరీ మ్యాన్’ కూడా ఉందని అంటున్నారు. ఈ సినిమా కూడా మిక్స్డ్ టాక్ సొంతం చేసుకుంది. పైగా ఇందులో శ్రీలీల క్యారెక్టర్‌కు పెద్దగా స్కోప్ లేదనే కామెంట్స్ వినిపిస్తున్నాయి. ఇలా అయితే శ్రీలీల కెరీర్(career) కష్టమనే టాక్ నడుస్తోంది.
ఇంకొక్క ఫ్లాప్ పడితే శ్రీలీల కెరీర్ క్లోజ్ అనే టాక్ కూడా నడుస్తోంది. దీంతో సూపర్ స్టార్ మహేష్ బాబు(mahesh babu)నే నమ్ముకుంది శ్రీలీల. సంక్రాంతి కానుకగా జనవరి 12న ‘గుంటూరు కారం’ సినిమా రిలీజ్‌కు రెడీ అవుతోంది. ఈ సినిమాలో పూజా హెగ్డేను పక్కకు తప్పించి మరీ శ్రీలీలను మెయిన్ హీరోయిన్ చేశాడు త్రివిక్రమ్. ప్రస్తుతానికి ఈ సినిమా పైనే శ్రీలీల ఆశలు పెట్టుకుంది. ఈ సినిమా ఏ మాత్రం తేడా కొట్టిన అమ్మడి కెరీర్ అంతే!
ఇది కూడా చూడండి: Guntur Karam: కేరళ కాదు..’గుంటూరు కారం’ సాంగ్ లొకేషన్ మారింది?
