Karnataka:కర్ణాటకలోని హాసన్ ప్రాంతంలోని హాసనాంబ ఆలయంలో హృదయ విదారక సంఘటన వెలుగులోకి వచ్చింది. ఆలయంలో విద్యుదాఘాతం కారణంగా తొక్కిసలాట జరిగింది. తొక్కిసలాటలో 20 మంది భక్తులు తీవ్రంగా గాయపడ్డారు. క్షతగాత్రులందరినీ ఆసుపత్రిలో చేర్పించారు. వీరిలో ఒకరి పరిస్థితి విషమంగా ఉంది. ఆలయంలో అకస్మాత్తుగా విద్యుత్ తీగ తెగి స్తంభాలకు తగిలిందని చెబుతున్నారు. అమ్మవారి దర్శనం కోసం క్యూలైన్‌లో నిల్చున్న భక్తులు ఒక్కసారిగా షాక్‌కు గురికావడంతో అక్కడికి పరుగులు తీశారు. తొక్కిసలాటలో మహిళలు, బాలికలు నేలపై పడిపోయారు.
చదవండి: Dhanteras 2023: దంతేరాస్ నాడు చీపురు కొంటే మంచిదట.. ఎలాంటిది కొనాలో తెలుసా?
వార్షిక హాసనాంబ యాత్రా ఉత్సవం నవంబర్ 2 నుండి 14 వరకు నిర్వహించబడుతుంది. రాష్ట్ర నలుమూలల నుంచి ప్రతిరోజూ వేలాది మంది భక్తులు ఆలయానికి వస్తుంటారు. శుక్రవారం ఉదయం నుంచే ఆలయంలో భక్తుల రద్దీ నెలకొంది. అమ్మవారి దర్శనం కోసం భక్తులు బారులు తీరారు. ఇంతలో విద్యుత్ తీగ తెగి ఆలయ స్తంభాలకు తగలడంతో స్తంభాల దగ్గర క్యూలో నిల్చున్న భక్తులు కరెంట్ షాక్‌కు గురయ్యారు.
చదవండి:Election commission : తెలంగాణ జనసేనకు షాక్..గ్లాస్ సింబల్‌ ఈసీ నిరాకరణ
#WATCH | Karnataka | A stampede situation ensued at Hasanamba Temple in Hassan after a few people reportedly experienced electric shock when an electric wire there broke. Injured were sent to hospital. pic.twitter.com/PhOMEuZPLl
— ANI (@ANI) November 10, 2023
హసన్ ఎస్పీ మహ్మద్ సుజిత మాట్లాడుతూ, “మధ్యాహ్నం 1.30 గంటల ప్రాంతంలో ప్రజలు కిందకు వచ్చేసరికి విరిగిన విద్యుత్ తీగ వేలాడుతోంది. ఈ సమయంలో షాక్‌తో ప్రజలు భయాందోళనకు గురై పరుగులు తీశారు. అధికారులు సంఘటనా స్థలానికి చేరుకుని దర్యాప్తు చేస్తున్నారు. కొంత మందిని ఆసుపత్రికి తరలించారు. క్షతగాత్రులంతా ప్రాణాపాయం నుంచి బయటపడ్డారని వైద్యులు స్పష్టం చేశారు. రద్దీ ఎక్కువగా ఉండటంతో దర్శనానికి ఎక్కువ సమయం పట్టనుంది. ప్రస్తుతం అన్నీ ఏర్పాట్లు చేశాం” అన్నారు.
