తెలంగాణ సీఎం కేసీఆర్ కీలక నిర్ణయం తీసుకున్నారు. తెలంగాణ అసెంబ్లీ ఎన్నికల నేపథ్యంలో అలంపూర్ అసెంబ్లీకి బీఆర్ఎస్ అభ్యర్థిని మార్పు చేశారు. ఇది వరకూ ఆ స్థానం నుంచి అబ్రహం పేరును ప్రకటించారు. నామినేషన్ దాఖలుకు మరో 3 రోజులు మాత్రమే ఉండగా కేసీఆర్ అలంపూర్ అభ్యర్థిని మార్చడం చర్చనీయాంశమైంది. అబ్రహంను తప్పించి విజయుడికి అవకాశం ఇవ్వాలని నిర్ణయం తీసుకున్నారు. ప్రస్తుతం అబ్రహం సిట్టింగ్ ఎమ్మెల్యేగా ఉన్న సంగతి తెలిసిందే.
చదవండి: PM Modi: తెలంగాణలో బీజేపీ బీసీ సీఎం రాబోతున్నారు.. బీసీ ఆత్మగౌరవ సభలో మోదీ ప్రకటన
అబ్రహంకు టిక్కెట్ ఇవ్వడంపై అసంతృప్తి ఎక్కువగా ఉంది. ఈ తరుణంలో విజయుడికి అవకాశం ఇచ్చారు. చల్లా వెంకట్రామిరెడ్డి అనుచరుడైన విజయుడికి టికెట్ ఇవ్వడంతో బీఆర్ఎస్ వర్గాల్లో ఆనందం నెలకొంది. మరోవైపు తెలంగాణలోని 9 స్థానాలకు బీఆర్ఎస్ పార్టీ అభ్యర్థులను ఖరారు చేసి ప్రకటించారు. బీఆర్ఎస్ వర్కింగ్ ప్రెసిడెంట్ కేటీఆర్ వారికి బీఫామ్స్ అందించారు. తెలంగాణ భవన్‌లో 9 మందికి బీఫామ్స్‌ను మంత్రి కేటీఆర్ అందించారు. దీంతో మొత్తం 119 మందికి బీఫాం అందించడం పూర్తయ్యింది.
చదవండి: Chandrababu: కంటి ఆపరేషన్ పూర్తి..ఇంటికి చేరుకున్న చంద్రబాబు
బీఫాం అందించిన 9 స్థానాలు ఇవే:
1. చాంద్రాయణ గుట్ట – ఎం.సీతారాం రెడ్డి
2. యాకత్‌ పురా – సామా సుందర్‌ రెడ్డి
3. బహుదూర్‌ పుర – ఇనాయత్‌ అలీ బక్రీ
4. మలక్‌ పేట – తీగల అజిత్‌ రెడ్డి
5. కార్వాన్ – అయిందాల కృష్ణ
6. చార్మినార్ – సలావుద్దీన్‌ లోడి
7. నాంపల్లి – సీహెచ్ ఆనంద్‌ కుమార్‌ గౌడ్‌
8. గోషామహాల్ – నంద కిషోర్‌ వ్యాస్‌
9. అలంపూర్ – విజేయుడు
