ఆధార్ కార్డు (Adhar Card) తరహాలోనే విద్యార్థులకు కూడా ఓ ప్రత్యేక గుర్తింపు కార్డును ఇవ్వడానికి కేంద్రం ప్రణాళిక వేస్తోంది. వన్ నేషన్-వన్ స్టూడెంట్ కార్డును తెచ్చే యోచనలో కేంద్ర విద్యాశాఖ చర్యలు తీసుకోనుంది. దేశవ్యాప్తంగా అన్ని ప్రభుత్వ, ప్రైవేటు పాఠశాలల విద్యార్థులకు ఈ కార్డును ఇవ్వడానికి సమాయత్తమవుతోంది. ఆ గుర్తింపు కార్డును ఆటోమేటెడ్ పర్మినెంట్ అకడమిక్ అకౌంట్ రిజిస్ట్రీ (అపార్) APAARగా పిలువనున్నారు. అపార్ ఐడీ కార్డులు ఇచ్చే ప్రక్రియను ప్రారంభించాలని అన్ని రాష్ట్రాలు, యూటీలకు కేంద్ర విద్యాశాఖ ఆదేశాలిచ్చింది.
చదవండి: Reserve Antibiotic: పని చేయని యాంటీ బయాటిక్స్.. ప్రమాదంలో 70శాతం మంది రోగులు
ఈ అపార్ నంబర్‌ (APAAR Number)ను ఆ విద్యార్థి జీవితకాల ఐడీగా పరిగణలోకి తీసుకోనున్నారు. అందులో ఆ విద్యార్థి అకడమిక్ జర్నీ, విద్యా చరిత్ర, విజయాలు వంటివి నిక్షిప్తం అయ్యి ఉంటాయి. కేంద్రానికి అవసరమైన సమయంలో విద్యార్థి ట్రాక్ రికార్డును ఇందులో పరిశీలించే అవకాశం కూడా ఉంటుంది. ఈ అపార్ ఐడీ కార్డులు ఇచ్చే విషయంపై విద్యార్థుల తల్లిదండ్రులతో అక్టోబర్ 16వ తేది నుంచి 18వ తేది వరకూ పలు సమావేశాలను నిర్వహించనున్నట్లు కేంద్రం తెలిపింది.
చదవండి: Smallest Polling Booth: ఐదుగురి కోసం ప్రత్యేక పోలింగ్ బూత్..దేశంలోనే అతి చిన్నది అదే!
ఇందులో ఉంచిన విద్యార్థుల డేటా (Students Data) రహస్యంగా ఉంటుందని, ప్రభుత్వ ఏజెన్సీలతో మాత్రమే ఆ డేటాను పంచుకునే అవకాశం ఉంటుందని విద్యాశాఖ వెల్లడించింది. వన్ నేషన్ వన్ స్టూడెంట్ ఐడీ (One Nation One Student ID) స్కీమ్‌పై ఏఐసీటీఈ ఛైర్మన్ టీజీ సీతారామన్ మాట్లాడారు. ఈ ఐడీ ద్వారా దేశంలోని విద్యార్థుల నైపుణ్యం తెలుస్తుందని, వారు సాధించిన విజయాలు రికార్డు అవుతాయన్నారు.
