భుజం మీద కండువా మార్చినంత ఈజీగా రాజకీయ నాయకులు పార్టీలు మారుతున్నరని మాజీ ఉపరాష్ట్రపతి వెంకయ్య నాయుడు (Venkaiah Naidu) సంచలన వాఖ్యలు చేశారు. ఈ రోజు హైదరాబాద్ ఎంసీఆర్‌హెచ్‌ఆర్‌డీలో నిర్వహించిన సిటిజన్‌ యూత్ పార్లమెంట్ (Citizen Youth Parliament)కార్యక్రమానికి వెంకయ్య ముఖ్య అతిథిగా హాజరై మాట్లాడారు. రాజకీయాల్లో కోట్లు లేనిదే ఓట్లు రావనే పరిస్థితి ప్రస్తుతం ఏర్పడిందని, అది మారాల్సిన అవసరం ఉందని ఆయన అభిప్రాయపడ్డారు. ఓ వ్యక్తి పార్టీ మారితే ఆ పార్టీలో ఉండగా వచ్చిన పదవికి సైతం రాజీనామా చేయాలన్నారు. యువత రాజకీయాల్లోకి (Politics) రావాల్సిన అవసరం ఉందని పిలుపునిచ్చారు
చదవండి : World Cup : ఆసీస్ ఆలౌట్.. భారత్ టార్గెట్ ఎంతంటే?
రాజకీయాల్లోకి వచ్చేందుకు బ్యాక్‌ గ్రౌండ్‌ (Background) అవసరం లేదని, అందులో రాణించేందుకు నమ్మిన సిద్ధాంతం కోసం పనిచేయాలని సూచించారు. చట్టసభల్లో ఆరోగ్యకరమైన చర్చలు జరిపి ప్రజలకు ఉపయోగపడే చట్టాలు రావాలని ఆకాంక్షించారు. ఓ వ్యక్తి పార్టీ మారితే ఆ పార్టీలో ఉండగా వచ్చిన పదవికి సైతం రాజీనామా చేయాలన్నారు. యువత రాజకీయాల్లోకి రావాల్సిన అవసరం ఉందన్నారు. సిద్ధాంతాల(theories)కు కట్టుబడి చేసే రాజకీయాల వల్ల ప్రజలకు ప్రయోజనం కలుగుతుందని అభిప్రాయపడ్డారు. ఈ కార్యక్రమంలో హోం మంత్రి మహమూద్ అలీ, టీఎస్ ఎంఐడీసీ ఛైర్మన్ ఎర్రొళ్ల శ్రీనివాస్ సహా పలువురు ప్రమఖులు పాల్గొన్నారు.
చదవండి : Brahmaji : నవీన్‌ పొలిశెట్టి నటన చూస్తే ..ఇక నేను రిటైర్‌ అయితే బెటర్‌.. బ్రహ్మాజీ
