రీసెంట్ గా విడుదలైన బెదురులంక 2012 మూవీ పాజిటివ్ టాక్ తెచ్చుకుంది. మరీ ఎక్కువ కలెక్షన్లు రాబట్టకపోయినా, మూవీ మాత్రం ప్రేక్షకులకు బాగా నచ్చేసింది. కానీ ఈ మూవీ తర్వాత కార్తికేయ మాత్రం ఒకటి ఫిక్స్ అయ్యాడు. ఇక వచ్చే సినిమాలన్నీ కామెడీ జోనర్ లోనే చేయాలని ఫిక్స్ అయిపోయాడు. కార్తికేయ ఇటీవలి కాలంలో యాక్షన్ జానర్‌లో 2-3 చిత్రాలను ఓకే చేసినట్లు తెలుస్తోంది. కానీ బెదురులంక విజయంతో ప్రేక్షకులకు నచ్చేది కామెడీ అని హీరో ఫీల్ అయ్యాడు. ఇక నుంచి హాస్యభరితమైన సినిమాలే చేయాలనుకుంటున్నాడు.
చదవండి: Aquaman: ‘ఆక్వామెన్‌’కు భయపడుతున్న టాలీవుడ్!
కార్తీకేయ మూడు ప్రాజెక్ట్‌లను రద్దు చేసి, ఇప్పుడు కామెడీ స్క్రిప్ట్‌ల కోసం ఎదురు చూస్తున్నాడు. అయితే అతని చేతిలో UV క్రియేషన్స్ ఓ సినిమా చేస్తోంది. మరోవైపు బెదురులంక 2012 వర్కవుట్ అయిందని, కార్తికేయకు మళ్లీ కామెడీ చిత్రం పని చేస్తుందనే గ్యారెంటీ లేదు. స్క్రీన్‌ప్లే ఎక్సైటింగ్‌గా, కథనం ఆసక్తికరంగా ఉంటే అది కామెడీ, హర్రర్, యాక్షన్ లేదా ఏదైనా మెలోడ్రామా అయినా ఖచ్చితంగా ఏ సినిమా అయినా పని చేస్తుంది. ఆ లాజిక్ కార్తీకేయ అర్థం చేసుకుంటాడో లేదో చూడాలి.
