‘అమిగోస్’ సినిమాలో కళ్యాణ్ రామ్ మూడు పాత్రలు పోషించాడు. ఇప్పుడు అతను ‘డెవిల్’ అనే ఫిక్షన్ పీరియాడికల్ డ్రామాతో మరోసారి ప్రేక్షకులను థ్రిల్ చేయడానికి సిద్ధంగా ఉన్నాడు. బ్రిటిష్ సీక్రెట్ ఏజెంట్ గా ఇందులో కనిపించనున్నాడు. ‘అభిషేక్ పిక్చర్స్’ బ్యానర్‌పై అభిషేక్ నామా ఈ చిత్రాన్ని నిర్మిస్తున్నారు. ఆయనే ఈ సినిమాకి దర్శకత్వం వహిస్తున్నారు. ఇప్ప‌టి వ‌ర‌కు విడుద‌లైన గ్లింప్స్, పోస్ట‌ర్స్ సినిమాపై చాలా పాజిటివ్ రెస్పాన్స్ తెచ్చాయి. 1940 బ్యాక్‌డ్రాప్‌తో తెరకెక్కుతున్న ఈ సినిమాకి నిర్మాతలు భారీ బడ్జెట్‌తో ఖర్చు చేస్తున్నారు.
చదవండి: JAWAN: రూ.500 కోట్లతో చరిత్ర సృష్టించిన ‘జవాన్’
ఈ చిత్రంలో లవ్లీ లేడీ సంయుక్తా మీనన్ కథానాయిక. ఈ మలయాళీ నటి ఇప్పటికే ‘భీమ్లా నాయక్’, ‘బింబిసార’, ‘సర్’ ‘విరూపాక్ష’ వంటి బ్యాక్-టు-బ్యాక్ హిట్‌లతో మంచి ఫామ్ లో ఉంది. ఈ సినిమాలో నిషాద అనే పాత్రలో ఆమె నటించబోతోంది. ఆమె పోస్టర్ ని తాజాగా విడుదల చేశారు. ఆమె పద్దతిగా లంగా వోణిలో కనిపిస్తోంది. అందమైన చీర ధరించి, గుడికి దండ, పువ్వులు, కొబ్బరికాయను తీసుకువెళుతోంది. వెనక పావురం ఎగురుతున్నట్లుగా కనిపిస్తోంది. కాగా ఈ పోస్టర్ చూడటానికి చాలా అద్భుతంగా ఉంది. సౌంద‌ర్ రాజ‌న్ ఎస్ ఫోటోగ్ర‌ఫీ ద‌ర్శ‌క‌త్వంలో శ్రీకాంత్ విస్సా క‌థ, స్క్రీన్‌ప్లే, డైలాగ్స్ అందిస్తున్నారు. హర్షవర్ధన్ రామేశ్వర్ సంగీత దర్శకుడు. తమ్మిరాజు ఎడిటర్‌గా వ్యవహరిస్తున్న ఈ చిత్రం నవంబర్ 24న ప్రపంచ వ్యాప్తంగా విడుదల కానుంది.
