రీసెంట్‌గానే జైలర్ సినిమాతో బ్లాక్ బస్టర్ అందుకున్నాడు సూపర్ స్టార్. నెల్సన్ డైరెక్ట్ చేసిన ఈ సినిమా ఏకంగా 600 కోట్ల వసూళ్లను రాబట్టి రజనీ క్రేజ్ ఏ మాత్రం తగ్గలేదని ప్రూవ్ చేసింది. ఇక ఈ సినిమా తర్వాత రజినీకాంత్ వరుస ప్రాజెక్ట్స్ చేస్తున్నాడు. 170వ చిత్రాన్ని ‘జై భీమ్’ ఫేం టీజే జ్ఞానవేల్ తెరకెక్కిస్తున్నాడు. అలాగే, తన కూతురు ఐశ్వర్య రజనీకాంత్ దర్శకత్వంలో వస్తున్న ‘లాల్ సలామ్’ మూవీలోనూ ఓ ఇంపార్టెంట్ రోల్ చేస్తున్నారు రజినీ. ఇక ఇప్పుడు రజినీకాంత్ 171వ సినిమాను అధికారికంగా ప్రకటించారు. విక్రమ్ సినిమాతో కమల్ హాసన్‌కు సాలిడ్ హిట్ ఇచ్చిన లోకేష్ కనగరాజ్.. రజనీకాంత్‌తో సినిమా చేయబోతున్నాడని చాలా రోజులుగా వినింవిస్తూ వచ్చింది.
చదవండి: JAWAN: రూ.500 కోట్లతో చరిత్ర సృష్టించిన ‘జవాన్’
ప్రస్తుతం విజయ్‌తో ‘లియో’ సినిమా తెరకెక్కిస్తున్నాడు లోకేష్. వచ్చే దసరాకు లియో రిలీజ్‌ కానుంది. ఇక ఈ సినిమా తర్వాత లోకేష్ చేయబోయే ప్రాజెక్ట్ పై క్లారిటీ లేదు. ఎందుకంటే.. ఇప్పటికే ఖైదీ, విక్రమ్ సినిమాల సీక్వెల్స్ ప్రకటించాడు లోకేష్. దీంతో ఈ రెండింటిలో ఏదో ఓ సీక్వెల్ ఉంటుందని అనుకున్నారు. కానీ సడెన్‌గా రజనీ 171వ సినిమాను అనౌన్స్ చేశాడు లోకేష్. దీంతో ఈ కాంబినేషన్ సెన్సేషన్‌గా మారింది.
చదవండి: BigBoss7: పల్లవి ప్రశాంత్‌పై షాకింగ్ కామెంట్స్..’నా అన్వేషణ’ యూట్యూబర్ ఫైర్
కమల్ హాసన్‌కు సాలిడ్ కంబ్యాక్ ఇచ్చిన లోకేష్.. ఫుల్ ఫామ్‌లో ఉన్న సూపర్ స్టార్‌తో ఇంకెలాంటి సినిమా చేస్తాడనేది ఆసక్తికర్గా మారింది. అయితే లోకేష్ తన యూనివర్స్‌లో భాగంగానే ఈ ప్రాజెక్ట్ ప్లాన్ చేస్తున్నట్టు తెలుస్తోంది. ఇక ఈ చిత్రాన్ని సన్ పిక్చర్స్ బ్యానర్‌పై కళానిధి మారన్ నిర్మిస్తున్నారు. జైలర్‌తో బాక్సులు బద్దలు చేసిన అనిరుధ్ రవిచందర్ సంగీతం అందిస్తున్నాడు. ఏదేమైనా అనౌన్స్మెంట్‌తో రజనీ, లోకేష్ ప్రాజెక్ట్ పై అంచనాలు ఒక్కసారిగా పెరిగిపోయాయి.
