స్పెయిన్ (Spain) ఫుట్బాల్ ఫెడరేషన్ చీఫ్ లూయిస్ రుబియాలెస్‌పై ఆ దేశ ప్రధాని పెడ్రో సాంఖెజ్ ఫైర్‌అయ్యారు. రుబియాలెస్ (Rubiales) చేసింది ఘోర తప్పిదమని, ఆయన చెప్పిన క్షమాపణలు సరిపోవని మండిపడ్డారు. ఫిఫా మహిళల ప్రపంచకప్‌ 2023 టైటిల్ స్పెయిన్ సొంతం చేసుకున్న విషయం తెలిసిందే.గత ఆదివారం జరిగిన ఫైనల్లో స్పెయిన్ 1-0తో ఇంగ్లండ్‌ను ఓడించి విశ్వవిజేతగా నిలిచింది. తొలిసారి ఫిఫా మహిళల ప్రపంచకప్‌ను ముద్దాడింది.ఈ విజయ సంబరాల్లో భాగంగా స్పెయిన్ ఫుట్బాల్ ఫెడరేషన్ చీఫ్ హద్దులు ధాటి ప్రవర్తించాడు. మెడల్స్ అందజేసే క్రమంలో స్పెయిన్ క్రీడాకారుణులకు ముద్దులు పెట్టడం తీవ్ర వివాదాస్పదమైంది.
మెడల్స్ ప్రజెంటేషన్‌ సందర్భంగా లూయిస్.. స్వదేశీ స్టార్‌ ఫుట్‌బాలర్‌ జెన్నిఫర్‌ (Jennifer)హెర్మోసోను పెదాలపై ముద్దు పెట్టుకుని అసభ్యంగా ప్రవర్తించాడు. మిగతా క్రీడాకారిణులను కూడా చెంపలపై ముద్ద పెట్టుకుని వల్గర్‌గా బిహేవ్‌ చేశాడు. దీనికి సంబంధించిన వీడియోలు సోషల్‌మీడియాలో వైరల్‌ కావడంతో స్పెయిన్‌లో నిరసనలు హోరెత్తాయి. దీంతో లూయిస్ ఓ మెట్టుకిందికి దిగొచ్చి సదరు క్రీడాకారిణిలకు, అభిమానులకు క్షమాపణలు చెప్పాడు. అయినా స్పెయిన్‌లో నిరసనలు శాంతించలేదు. ఔలూయిస్‌ ఉద్దేశపూర్వకంగా తప్పుచేసి, సారీ చెబితే సరిపోతుందా అంటూ నిరసనకారులు స్వరాలను పెంచారు.
నిరసనలు, ఆందోళలను తీవ్రరూపం దాల్చడంతో ఆ దేశ ప్రధాని పెడ్రో సాంచెజ్‌(Pedro Sanchez) జోక్యం చేసుకున్నారు. లూయిస్ నామమాత్రం సారీ చెబితే సరిపోదని నిరసనకారులతో స్వరం కలిపారు. ముద్దు వివాదంపై లూయిస్ బాధ్యతాయుతమైన వివరణ ఇవ్వాలని డిమాండ్‌ చేశారు. అయితే, ఫెడరేషన్ అధ్యక్షుడిపై చర్యలు తీసుకునే అధికారం తనకు లేదని చేతులు దులుపుకున్నాడు. దీంతో క్రీడా శాఖ (Sports DPT) కు సంబంధించిన స్పానిష్‌ హై కౌన్సిల్‌ రంగంలోకి దిగింది. స్పెయిన్ ప్రభుత్వం కాని సాకర్‌ కౌన్సిల్‌ కాని లూయిస్‌పై చర్యలు తీసుకోకపోతే తాను చర్యలకు ఉపక్రమిస్తానని కౌన్సిల్‌ అధ్యక్షుడు ప్రకటన విడుదల చేశారు. మొత్తానికి స్పెయిన్‌లో ముద్దు వివాదం చినికిచినికి గాలివానలా మారుతుంది.
చదవండి : Donkey Milk: రూ.10 వేలకు చేరువగా లీటర్ గాడిద పాలు!
