ఆర్ఆర్ఆర్.. ప్రస్తుతం ఎక్కడ చూసిన దీని గురించే చర్చ జరుగుతోంది. అసలు దర్శక ధీరుడు ఈ సినిమా మొదలు పెట్టినప్పటి నుంచి.. వార్తల్లో నిలుస్తునే ఉంది. రిలీజ్ అయి ఏడాది దాటినా కూడా.. ఆర్ఆర్ఆర్ సంచలనంగా నిలుస్తోంది. ఇండియన్ బాక్సాఫీస్ దగ్గర 1200 కోట్లకు పైగా వసూళ్లను రాబట్టిన ఆర్ఆర్ఆర్‌కు.. అవార్డుల పంట పండుతోంది. ఇప్పటికే ఎన్నో ఇంటర్నేషనల్ అవార్డ్స్ కొల్లగొట్టింది. తాజాగా ప్రతిష్ఠాత్మక ‘గోల్డెన్ గ్లోబ్ అవార్డు’ను దక్కించుకుంది. ఈ సినిమాలోని నాటు నాటు పాటకు బెస్ట్ ఒరిజినల్ సాంగ్ కేటగిరీలో.. కీరవాణికి గోల్డెన్ గ్లోబ్ అవార్డు లభించింది. దాంతో ఎన్టీఆర్, చరణ్, కీరవాణి, రాజమౌళిపై ప్రశంసల వర్షం కురుస్తోంది. ఈ సందర్భంగా అవార్డు వేడుకలో సంచలన ప్రకటన చేశారు రాజమౌళి. ఆర్ఆర్ఆర్ సీక్వెల్ గురించి చెబుతూ.. ఈ చిత్రాన్ని కొనసాగించేందుకు ఓ అద్భుతమైన ఆలోచన తట్టిందని ప్రకటించారు. ఇతర దేశాల్లో ఆర్ఆర్ఆర్‌కు వస్తున్న క్రేజ్ చూసి.. మా నాన్నతో సీక్వెల్‌పై చర్చించా. అప్పుడే ఓ అద్భుతమైన ఆలోచన తట్టింది. ఆ ఆలోచన ఆధారంగా వెంటనే కథ రాయడం ప్రారంభించాం. అయితే స్క్రిప్ట్ పూర్తయ్యేదాకా సీక్వెల్ విషయంలో ముందుకెళ్లలేం. ప్రస్తుతం మేమంతా అదే పనిలో ఉన్నాం’ అని రాజమౌళి వెల్లడించారు. దాంతో చరణ్, తారక్ ఫ్యాన్స్ హ్యాపీగా ఫీలవుతున్నారు. అయితే ఈ సీక్వెల్ ఎప్పుడుంటుందో చెప్పడం కష్టం. ఆర్ఆర్ఆర్ తర్వాత మహేష్ బాబుతో సినిమా చేయబోతున్నారు రాజమౌళి. ఆ ప్రాజెక్ట్ కంప్లీట్ అవడానికే.. కొన్నేళ్లు పడుతుంది. అలాంటప్పుడు ఆర్ఆర్ఆర్ సీక్వెల్ ఇప్పట్లో ఉండకపోవచ్చు. కానీ రాజమౌళి ప్రకటించారు కాబట్టి.. ఖచ్చితంగా వీలైనంత త్వరగా ఆర్ఆర్ఆర్ సీక్వెల్ ఉంటుందని చెప్పొచ్చు.
