తెలుగుదేశం అధినేత చంద్రబాబు (Chandrababu)పై ఏపీ మంత్రి రోజా విమర్శలు గుప్పించారు. విజన్ ఉంది, విస్తరాకుల కట్ట ఉంది అని ఒకాయన అన్నారని ఆర్కే రోజా (RK Roja) ఆరోపించారు.సెల్‌ఫోన్ కనిపెట్టాను.. కంప్యూటర్‌ కనిపెట్టాను.. నేను హైదరాబాద్ కనిపెట్టాను అని అంటాడు తప్ప ఏపీకి ఏం చేశావయ్య అంటే మాత్రం చెప్పడానికి ఏం ఉండదు” అని ఆమె ఎద్దేవా చేశారు. గండికోట‌లో ఒబెరాయ్ హోట‌ల్ నిర్మాణ ప‌నుల‌కు సీఎం జగన్ (Cm jagan) భూమి పూజ చేశారు. ఈ కార్యక్రమంలో రోజా మాట్లాడుతూ.. పని మనుషులు, డ్రైవర్లతో ఎంవోయూ(MOU)లు చేసుకున్న ఘనుడు చంద్రబాబు అని మండిపడ్డారు.
చదవండి : శ్రీకాళహస్తిలో ఘోర రోడ్డు ప్రమాదం..ఐదుగురు మృతి
బాబు పాలనలో లిక్కర్ ఫ్యాక్టరీలే పారిశ్రామిక ప్రగతి అని డబ్బా కొట్టారని విమర్శించారు. తాము నిజమైన పారిశ్రామికవేత్తలతో రూ.13 లక్షల కోట్ల పెట్టుబడులు తెచ్చామని అన్నారు. సీఎం జగన్‌పై నమ్మకంతో ఏపీకి బడా పారిశ్రామిక వేత్తలు (Industrialists) క్యూ కడుతున్నారని అన్నారు. రాష్ట్రం నుంచి పరిశ్రమలు వెళ్లిపోతున్నాయంటూ ఎల్లో మీడియా తప్పుడు ప్రచార చేస్తోందని ఆరోపించారు. రాష్ట్రంలో జగన్ పాలన చూసి శభాష్ అంటున్నారని రోజా అన్నారు. ‘‘వైఎస్ జగన్ అంటే పేరు కాదు.. బ్రాండ్. రికార్డు సృష్టించాలన్నా, బద్ధలు కొట్టాలన్నా ఆయనకే సాధ్యం. 175 నియోజకవర్గాల్లో వైసీపీ (YCP) ని గెలిపించుకునేందుకు ప్రజలు సిద్ధంగా ఉన్నారు. జగనన్న వన్స్‌మోర్ అని జగన్ అంటున్నారు” అని చెప్పుకొచ్చారు.
చదవండి : No oil No boil: అక్కడ వండకుండానే వడ్డిస్తారు!
