Another Angle In CI Swarnalatha
CI Swarnalatha: సీఐ స్వర్ణలతలో (CI Swarnalatha) మరో కోణం ఉంది. అవును ఏపీ 31 నంబర్ మిస్సింగ్ అనే మూవీలో నటిస్తోంది. ఆ సినిమా ఇంకా రిలీజ్ కాలేదు. ఆ సినిమాలో నటించేందుకు డ్యాన్స్ నేర్చుకుంటుంది. ఓ కొరియోగ్రాఫర్‌ను నియమించుకుంది. ఆ వీడియోలు ఇప్పుడు ట్రోల్ అవుతున్నాయి. చిరంజీవి అంటే ఇష్టంతో ఆయన సినిమాల్లోని పాటలకు డ్యాన్స్ చేశారు. ట్యూన్‌కు తగినట్టు స్టెప్పులు వేశారు. రెండు పాటలకు స్టెప్పులు వేశారు.
రియల్ లైఫ్ మాదిరిగా పోలీస్ పాత్ర
ఏపీ 31 నంబర్ మిస్సింగ్ సినిమాలో స్వర్ణలత నటిస్తున్నారు. ఇందులో రియల్ లైఫ్ మాదిరిగా పోలీసు అధికారి పాత్ర పోషించారని తెలుస్తోంది. లవ్ అండ్ సస్పెన్స్ థ్రిల్లర్ మూవీ అని పోస్టర్ ట్యాగ్ లైన్ ఉంది. బిగ్ స్క్రీన్ మీద కనిపించాలని స్వర్ణలత ప్రగాఢంగా కోరుకున్నారు. మూవీలో అవకాశం ఇస్తానని ఓ నేత ఆమెకు చెప్పడంతో డ్యాన్స్ ప్రాక్టీస్ చేశారు. చిరంజీవి పాటకు డ్యాన్స్ చేసిన వీడియోలు బయటకు వచ్చాయి.
అబ్బని తియ్యని దెబ్బ అంటూ స్టెప్పులు
చిరు ఫేమస్ సాంగ్ అబ్బని తియ్యని దెబ్బ పాటకు స్వర్ణలత స్టెప్పులు వేశారు. ట్యూన్‌కు తగినట్టు కాలు కదిపారు. కొరియోగ్రాఫర్‌తో కలిసి ఉత్సాహంగా డ్యాన్స్ చేశారు. ఆ పాటలో సారీ కూడా ఛేంజ్ చేసుకోవడం విశేషం. ఇక మరో పాటలో బ్లాక్ డ్రెస్ వేసుకొని డ్యాన్స్ చేశారు. రవితేజ జింతాక పాటకు అదే జోష్‌తో ఇరగదీశారు. ఆ పాటలో స్వర్ణలత ఎనర్జీ మాములుగా లేదు. స్వర్ణలత చేసే మూవీ ఏపీ 31 నంబర్ మిస్సింగ్ సినిమాను నారాయణ స్వామి నిర్మిస్తున్నారు. చంటి హీరోగా బిగ్ బాస్ సీజన్ 5 ఫేమ్ లహరి హీరోయిన్‌గా, నటిస్తున్నారు. ఇందులో స్వర్ణలత పోలీస్ అధికారిగా నటిస్తున్నారు. ఈ సినిమా ఇంకా నిర్మాణ దశలోనే ఉంది.
ఇప్పుడే కాదు గతంలో కూడా స్వర్ణలతపై ఆరోపణలు వచ్చాయి. ఏఆర్‌ హోంగార్డు ఎస్సైగా పనిచేస్తున్న సమయంలో హోంగార్డు నియామకాల విషయంలో ఆరోపణల వచ్చాయి. తర్వాత విజయవాడ బదిలీపై వెళ్లింది. కొంతకాలం పనిచేసి శ్రీకాకుళం ఏఆర్‌కు వచ్చారు. అక్కడ పనిచేస్తుండగా జిల్లాల విభజన జరగడంతో బదిలీపై అనకాపల్లి జిల్లాకు వెళ్లారు. విశాఖలో ఖాళీ ఉండటంతో ఇక్కడికి వచ్చారు. కొంతకాలం సిటీ ట్రైనింగ్‌ సెంటర్‌లో పనిచేసి తర్వాత హోంగార్డుల రిజర్వు ఇన్‌స్పెక్టర్‌ (ఆర్‌ఐ)గా బాధ్యతలు చేపట్టారు.
