Oral Health: పసుపు దంతాలు చాలా ఇబ్బందిని కలిగిస్తాయి. ఎవరితో కూడా ప్రశాంతంగా మాట్లాడలేరు. దీంతో మనలో కాన్ఫిడెన్స్ దెబ్బతింటుంది. ప్రజలు దంతాలను మెరిపించుకోవడానికి అనేక రకాల నివారణలను ప్రయత్నిస్తారు. అంతే కాకుండా దంతాలు తెల్లబడటం కోసం అనేక ఖరీదైన ఉత్పత్తులు కూడా మార్కెట్‌లో అందుబాటులో ఉన్నాయి. వీటిని (Teeth Whitening Home Remedy) ఉపయోగించడం వల్ల దంతాలకు నష్టం వాటిల్లుతుంది. మనం ఇంట్లో కొన్ని చిట్కాలను అనుసరించడం వల్ల దంతాలను తెల్లగా ముత్యాల్లా మార్చుకోవచ్చు. అవి పాటించడం వల్ల ఎటువంటి దుష్ర్పభావాలు కూడా ఉండవు. మీరు కూడా పసుపు దంతాల సమస్యతో బాధపడుతున్నట్లయితే, ఖచ్చితంగా వీటిని ఉపయోగించండి.
ఉప్పుతో పళ్ళు తెల్లబడటం ఎలా?
దంతాలపై నిక్షిప్తమైన పసుపును శుభ్రం చేయడంలో ఉప్పు ఎంతో మేలు చేస్తుంది. ఇలాంటప్పుడు దంతాలు శుభ్రపరచడానికి (టీత్ క్లీనింగ్), ఉప్పులో అల్లం పొడి,కొన్ని చుక్కల తేనె వేసి, ఆపై మీ వేలితో ఈ పేస్ట్‌తో పళ్ళను రుద్దండి. చివరగా, శుభ్రమైన నీటితో దంతాలను శుభ్రం చేయండి. ఈ రెమెడీని వారానికి కనీసం 4 సార్లు చేయండి.
చదవండి:Viral video: మొసలితో మేయర్ పెళ్లి…ఎందుకో తెలుసా?
ఉప్పు, ఆవాల నూనె
ఉప్పులో ఆవాలనూనె కలపడం వల్ల కూడా దంతాల పసుపు రంగు తొలగిపోతుంది. దీని కోసం, అర టీస్పూన్ ఉప్పులో కొన్ని చుక్కల ఆవాల నూనెను కలిపి పేస్ట్ చేయండి. దీని తర్వాత ఈ పేస్ట్‌ను దంతాల మీద రుద్దండి. దీని తరువాత, నీటితో శుభ్రం చేసుకోండి. ఇలా చేస్తే 15 రోజుల్లోనే దంతాలు ముత్యాల్లా మెరుస్తాయి.
బేకింగ్ సోడా, నిమ్మకాయ
ఇది కాకుండా, బేకింగ్ సోడా, నిమ్మకాయతో కూడా దంతాల పసుపు రంగును తొలగించవచ్చు. దీని కోసం, 1 టీస్పూన్ బేకింగ్ సోడాలో కొద్దిగా నిమ్మరసం మిక్స్ చేసి పేస్ట్ తయారు చేసి, ఇప్పుడు ఈ పేస్ట్‌ను మీ వేళ్లతో దంతాలపై రుద్దండి మరియు తరువాత నీటితో శుభ్రం చేసుకోండి. ఇలా చేస్తే మీ దంతాలు ముత్యాల్లా మెరుస్తాయి.
చదవండి:Khammam: చేరిన రాహుల్ గాంధీ..పొంగులేటికి కండువా కప్పిన రాహుల్
