మెగాస్టార్ చిరంజీవి(Megastar chiranjeevi )నటిస్తున్న లేటెస్ట్ ఫిల్మ్ ‘భోళా శంకర్’ ఆగష్టు 11న రిలీజ్‌కు రెడీ అవుతోంది. అయినా కూడా ఇప్పటి వరకు నెక్స్ట్ ప్రాజెక్ట్ అనౌన్స్ చేయలేదు మెగాస్టార్. అయితే చాలా రోజులుగా చిరుతో సినిమా చేయాలని వెయిట్ చేశాడు యంగ్ డైరెక్టర్ వెంకీ కుడుముల. కానీ చివరకు చిరు లిస్ట్‌ నుంచి ఎగిరిపోయారు. దాంతో నితిన్‌తో సినిమా కమిట్ అయ్యాడు వెంకీ కుడుముల. ఇక పూరి జగన్నాథ్, రామ్ పోతినేనిని ఒప్పించుకున్నాడు. ఈ క్రమంలో నెక్స్ట్ మెగాస్టార్ నెక్స్ట్ ప్రాజెక్ట్ ఎవరితో.. అనేది సస్పెన్స్‌గా మారింది. కానీ బింబిసార డైరెక్టర్‌కు చిరు ఓకే చెప్పారనే న్యూస్ ఆ మధ్య తెగ వైరల్ అయింది. ప్రస్తుతం మల్లిడి వశిష్ట స్క్రిప్టు రెడీ చేసే పనిలో ఉన్నట్టు తెలుస్తోంది.
ఇది కూడా చూడండి: Ashu Reddy: డ్రగ్స్ కేసులో పేరు రావడంపై అషురెడ్డి సీరియస్
కానీ ‘బంగార్రాజు’ డైరెక్టర్ కల్యాణ్ కృష్ణ కురసాలతో చిరు ప్రాజెక్ట్ దాదాపుగా ఫిక్స్ అయిపోయినట్టే. త్వరలోనే ఈ సినిమాలకు సంబంధించిన అఫీషియల్ అనౌన్స్మెంట్ రాబోతున్నాయి. అయితే ఇప్పుడు.. ఊహించని డైరెక్టర్‌తో చిరు సినిమా చేసే ఛాన్స్ ఉందనే న్యూస్ వైరల్ అవుతోంది. ఇటీవలే మలయాళంలో వచ్చిన 2018 అనే సినిమా(2018 movie) బ్లాక్ బస్టర్‌గా నిలిచిన సంగతి తెలిసిందే. 20 కోట్ల బడ్జెట్‌తో తెరకెక్కిన ఈ సినిమా 200 కోట్లు గ్రాస్‌తో సంచలన విజయాన్ని అందుకుంది. ఈ సినిమాను జూడ్ ఆంథోనీ జోసెఫ్ దర్శకత్వం వహించాడు. అయితే ఈ బ్లాక్ బస్టర్ మూవీని చూసిన చిరు.. డైరెక్టర్‌ను ప్రశంసలతో ముంచెత్తాడట.
దాంతో జూడ్ ఆంథోనీ జోసెఫ్(anthany joseph), చిరంజీవిని కలిసినప్పుడు ఓ స్టోరీ లైన్‌ను కూడా వినిపించాడట. లైన్‌ నచ్చడంతో పూర్తి స్క్రిప్టు రెడీ చేయమని చెప్పారట చిరంజీవి. ప్రస్తుతం ఈ టాలెంటెడ్ డైరెక్టర్ ఫుల్ స్క్రిప్టు డెవలప్ చేసే పనిలో ఉన్నారట. ఈ సినిమా విశాఖపట్నం బ్యాగ్‌డ్రాప్‌తో ఓ పవర్‌ఫుల్ యాక్షన్ డ్రామాగా ఉంటుందని టాక్. ఫైనల్‌గా చిరుకు స్క్రిప్టు నచ్చితే.. గీతా ఆర్ట్స్, జీఏ2 పిక్చర్స్ బ్యానర్లపై అల్లు అరవింద్, బన్నీ వాసు ఈ ప్రాజెక్ట్‌ను కలిసి నిర్మించే అవకాశం ఉందని తెలిసింది. 2018 మూవీని వీళ్లే తెలుగులో డబ్బింగ్ చేశారు. అందుకే ఈ మెగా ప్రాజెక్ట్‌ను పాన్ ఇండియా రేంజ్‌లో ప్లాన్ చేస్తున్నారట. ఏదేమైనా.. ఈ ఊహించని కాంబినేషన్ ఒక్కసారిగా క్రేజీ హైప్‌ని తీసుకొచ్చింది.
