Pawan Kalyan Hear Chiranjeevi Words Not Chandrababu
RK Roja: సమయం దొరికితే చాలు ఏపీలో వైసీపీ, జనసేన నేతల మధ్య డైలాగ్ వార్ జరుగుతోంది. పవన్ కల్యాణ్ లక్ష్యంగా వైసీపీ ఎమ్మెల్యేలు, సీఎం జగన్, మంత్రులు లక్ష్యంగా జనసేన అధికార ప్రతినిధులు మాటల యుద్ధానికి దిగుతున్నారు. పవన్ కల్యాణ్‌పై వైసీపీ నేత, మంత్రి రోజా (RK Roja) తీవ్రస్థాయిలో విరుచుకుపడ్డారు.
చదవండి: Lalaguda PSపై మజ్లీస్ ఎమ్మెల్సీ దౌర్జన్యం
పవన్ (pawan) రోజుకో మాట మాట్లాడుతున్నారని రోజా అన్నారు. ఓ రోజు సీఎం అవుతానని.. మరో రోజు ఎమ్మెల్యే అవుతానని చెబుతారని తెలిపారు. ఏం కావాలనుకున్నారో ఆయనకే స్పష్టత లేదన్నారు. వైసీపీ నేతలను తిట్టేందుకు పార్టీ ఏర్పాటు చేశారా అని అడిగారు. చంద్రబాబు (chandrababu) ఇచ్చిన స్క్రిప్ట్‌ను పవన్ కల్యాణ్ చదువుతున్నారని.. అంతే తప్ప మరోటి అందులో లేదన్నారు. పవన్ కల్యాణ్‌ను (pawan kalyan) చంద్రబాబు వాడుకొని వదిలేస్తారని రోజా తెలిపారు. చంద్రబాబును నమ్మొద్దని 2013లో చిరంజీవి చెప్పిన విషయాన్ని గుర్తుచేశారు. చంద్రబాబు చెప్పింది వినొద్దని, చిరంజీవి చెప్పిన మాటలను వినాలని సూచించారు. బాబు స్క్రిప్ట్ చదువుతూ అందరి దృష్టిలో పవన్ విలన్ అయ్యారని మండిపడ్డారు.
అందరూ గుంపుగా రాకుంటే 2024లో జగన్ (jagan) మళ్లీ సీఎం అవుతారని పవన్ అంటున్నారు. గుంపుగా వచ్చినా, సింగిల్‌గా వచ్చినా జగనే మళ్లీ సీఎం అవుతారని రోజా ధీమా వ్యక్తం చేశారు. తన ఆరోగ్యం బాగోలేదని జనసేన శ్రేణులు ట్రోల్స్ చేస్తోన్న విషయాన్ని గుర్తుచేశారు. తీరు మార్చుకోవాలని.. లేదంటే మీ అంతు చూస్తానని తనదైన శైలిలో వార్నింగ్ ఇచ్చారు.
