Ravi teja: జాతిరత్నంతో రవితేజ కామెడీ!?

ధమాకా వంద కోట్లు, వాల్తేరు వీరయ్య రూ.200 కోట్లు రాబట్టాయి. దాంతో రీసెంట్‌గా వచ్చిన రావణాసుర భారీ అంచనాలతో బాక్సాఫీస్ బరిలోకి దిగింది. అయితే సుధీర్ వర్మ తెరకెక్కించిన ఈ సినిమా.. బాక్సాఫీస్ దగ్గర చేతులెత్తిసింది. కానీ ఈ సినిమా సెట్స్ పై ఉండగానే.. మరో రెండు సినిమాలను మొదలు పెట్టేశాడు మాస్ రాజా(ravi teja).

వాటిలో టైగర్ నాగేశ్వర రావు పాన్ ఇండియా స్థాయిలో రాబోతోంది. వంశీ తెరకెక్కిస్తున్న ఈ సినిమా దసరా టార్గెట్‌గా అక్టోబర్ 20న థియేటర్లోకి రాబోతోంది. అయితే ఈ సినిమా కంప్లీట్ అవకముందే కార్తిక్ ఘట్టమనేనితో ‘ఈగల్’ ప్రాజెక్ట్ మొదలు పెట్టాడు. ప్రజెంట్ ఈ సినిమా సెట్స్ పై ఉంది. దీని తర్వాత కలర్ ఫోటో డైరెక్టర్‌తో ఓ సినిమా చేయబోతున్నాడు.

ఇక ఇప్పుడు జాతిరత్నం డైరెక్టర్ అనుదీప్ కెవి(anudeep kv)తో ఓ సినిమా చేయనున్నాడని తెలుస్తోంది. ప్రస్తుతం రవితేజ లైన్లో ఉన్న సినిమాలన్నీ యాక్షన్ ఎంటర్టైనర్‌గా రాబోతున్నాయి. అందుకే జాతిరత్నంతో కలిసి ఫుల్ లెంగ్త్ కామెడీ ఎంటర్టైనర్ చేయబోతున్నాడట. జాతి రత్నం సినిమాతో తనకంటూ ఓ ప్రత్యేక గుర్తింపు తెచ్చుకున్న అనుదీప్.. ఈ మధ్య కోలీవుడ్ హీరో శివకార్తికేయన్‌తో కలిసి ప్రిన్స్ అనే సినిమా చేశాడు.

అయితే ఈ సినిమా ఆశించినంత స్థాయిలో ఆకట్టుకోలేకపోయింది. దీంతో ఈయనకు ఛాన్స్ ఇచ్చే నెక్స్ట్ హీరో ఎవరు అనుకున్నారు. కానీ మాస్ మహారాజా అనుదీప్‌కి అవకాశం ఇచ్చినట్లు సమాచారం. ఈ సినిమాను దిల్ రాజు నిర్మించబోతున్నాడట. త్వరలోనే ఈ ప్రాజెక్ట్ నుంచి అధికారిక ప్రకటన రానుందని అంటున్నారు. మరి జాతిరత్నం, మాస్ రాజా కలిసి ఎలా ఎంటర్టైన్ చేస్తారో చూడాలి.