ఇండియన్ ప్రీమియర్ లీగ్ (IPL 2023) 37వ మ్యాచులో గురువారం చెన్నై సూపర్ కింగ్స్‌తో జరిగిన మ్యాచ్‌లో రాజస్థాన్ రాయల్స్(RR) 32 పరుగుల తేడాతో సులువుగా విజయం సాధించింది. జైపూర్‌లోని సవాయ్ మాన్సింగ్ స్టేడియంలో మొత్తం 202 పరుగులను చేసిన RR జట్టు 203 పరుగుల లక్ష్యాన్ని CSKకు ఉంచింది. ఈ క్రమంలో RR ఆటగాళ్లు యశస్వి జైస్వాల్ 77, ధృవ్ జురెల్ 34, బట్లర్, పడిక్కలో చెరో 27 రన్స్ చేేసి మంచి భాగస్వామ్యం అందించారు.
ఇక ఛేజింగ్ కు దిగిన CSK జట్టులో శివం దూబే 52, రుతురాజ్ గైక్వాడ్ 47 పరుగులు మినహా ఏ ఒక్కరూ కూడా రాణించలేక పోయారు. ఈ నేపథ్యంలో చెన్నై సూపర్ కింగ్స్ పరుగుల కోసం పోటాపోటీగా పోరాడింది. కానీ 6 వికెట్ల నష్టానికి 170 రన్స్ మాత్రమే చేయగలిగారు. దీంతో రాజస్తాన్ రాయల్స్ 32 పరుగుల తేడాతో మ్యాచ్‌ను గెలుచుకుంది.
ఇది కూడా చూడండి: IPL 2023: మద్యం మత్తులో మహిళతో IPL స్టార్ఆ టగాడి అనుచిత ప్రవర్తన..!
ఈ ఐపీఎల్ చరిత్రలో సవాయ్ మాన్సింగ్ స్టేడియంలో రాజస్తాన్ జట్టుదే అత్యధిక స్కోరు కావడం విశేషం. రాజస్థాన్ రాయల్స్ తిరిగి విజయపథంలోకి రావాలని చూస్తున్నందున సంజూ శాంసన్ చెన్నై సూపర్ కింగ్స్‌పై టాస్ గెలిచి మొదట బ్యాటింగ్ ఎంచుకున్నాడు. ఈ విజయంతో రాజస్తాన్ రాయల్స్ పాయింట్ల పట్టికలో మళ్లీ అగ్రస్థానానికి ఎగబాకింది.
1. రాజస్థాన్ రాయల్స్ – 8 (మ్యాచ్‌లు), 5 (గెలుపు), 0.939 (నెట్ రన్ రేట్)
2. గుజరాత్ టైటాన్స్ – 7 (మ్యాచ్‌లు), 5 (గెలుపు), 0.580 (నెట్ రన్ రేట్)
3. చెన్నై సూపర్ కింగ్స్ – 8 (మ్యాచ్‌లు), 5 (గెలుపు), 0.376 (నెట్ రన్ రేట్)
4. లక్నో సూపర్ జెయింట్స్ – 7 (మ్యాచ్‌లు), 4 (గెలిచిన), 0.547 (నెట్ రన్ రేట్)
5. రాయల్ ఛాలెంజర్స్ బెంగళూరు – 8 (మ్యాచ్‌లు), 4 (గెలుపు), -0.139 (నెట్ రన్ రేట్)
ఇది కూడా చూడండి: Breaking: SRHకి భారీ షాక్…తప్పుకున్న వాషింగ్టన్ సుందర్
