హైదరాబాద్‌లో(Hyderabad) ఐపీఎల్ సంబురం మొదలుకానున్నది. క్రికెట్‌ ప్రేమికులు ఆసక్తికర మ్యాచ్ కోసం ఎంతో ఆతృతగా ఎదురుచూస్తున్నారు. ఉప్పల్(Uppal)లో జరిగే తొలి మ్యాచ్‌లో హైదరాబాద్ బోణి కొట్టాలని కోరుకుంటున్నారు. మధ్యాహ్నం 3.30 గంటలకు ప్రారంభమయ్యే ఐపీఎల్ (IPL) మ్యాచ్‌కు అధికారులు అన్ని ఏర్పాట్లు చేశారు. మైదానం చుట్టూ పటిష్ట రక్షణ వలయాన్ని ఏర్పాటు చేశారు. 340 సీసీ కెమెరాలతో నిఘా పెట్టారు. 1500 మంది పోలీసు సిబ్బంది (Police personnel) బందోబస్తులో ఉన్నారు. అత్యవసర వైద్య అవసరాల కోసం 7 అంబులెన్స్‌లను ఏర్పాటు చేశారు. మరో వైపు నగరం నలువైపుల నుంచి వచ్చే ప్రేక్షకుల కోసం ఉప్పల్ స్టేడియానికి 60 ప్రత్యేక బస్సులను గ్రేటర్‌ ఆర్టీసీ ఏర్పాటు చేసింది. రద్దీకనుగుణంగా ప్రతి 5, 3, 2 నిమిషాలకు ఒకటి చొప్పున అదనంగా మెట్రో రైళ్లను కూడా నడిపించనున్నట్లు మెట్రో ఎండీ ఎన్వీఎస్‌ రెడ్డి (Metro MD NVS Reddy) తెలిపారు.
చదవండి : ఈ వారం రాశి ఫలాలు (ఏప్రిల్ 2 నుంచి ఏప్రిల్ 8 వరకు)
ఇదిలా ఉంటే ఉప్పల్ మైదానంలో బందోబస్తు ఏర్పాట్లను రాచకొండ సీపీ డీఎస్‌ చౌహాన్‌ (CP DS Chauhan) పర్యవేక్షించారు.మ్యాచ్ సందర్భంగా నిర్ధేశించిన పార్కింగ్ స్థలాలు, పోలీసులు(Police) సూచించిన ప్రవేశమార్గం, బయటికి వెళ్లే మార్గాల్లోనే ప్రేక్షకులు వెళ్లాలని అధికారులు తెలిపారు. బ్లాక్ లో టికెట్లు విక్రయిస్తే కఠిన చర్యలు తీసుకుంటామని తెలిపారు. మహిళలను ఈవ్ టీజింగ్ నియంత్రణకు ప్రత్యేకంగా షీటీమ్స్ ఏర్పాటు చేశామని చెప్పారు. ల్యాప్ టాప్ లు(Laptops), బ్యానర్లు, వాటర్ బాటిళ్లు, కెమరాలు, సిగరేట్లు, ఎలక్ట్రానిక్ వస్తువులు, లైటర్లు, అగ్గిపెట్టెలు, పదునైన మెటల్ వస్తువులు ప్లాస్టిక్ వస్తువులు, బైనాక్యులర్లు, బ్యాటరీలు, హెల్మెట్లు, బ్యాగులు, తదితర వస్తువులు స్టేడియంలోకి అనుమతించరు.
చదవండి : ములుగు జడ్పీ చైర్మన్‌‌‌‌కు హార్ట్ స్ట్రోక్ .. సీపీఆర్ చేసి కాపాడిన భార్య
ఇవాళ మధ్యాహ్నం 3.30 గంటలకు హైదరాబాద్ – రాజస్థాన్ రాయల్స్ (Rajasthan Royals) జట్లు తలపడనున్నాయి. కాగా, ఉప్పల్ స్టేడియంలో(Uppal Stadium)మొత్తం 7 మ్యాచ్ లు జరుగనున్నాయి. మ్యాచ్ కు సంబంధించిన భద్రత ఏర్పాట్లు హెచ్ సీఏ(HCA) పర్యవేక్షిస్తున్నది. ఐపీఎల్(IPL) మ్యాచ్ ల నిర్వహణ నేపథ్యంలో స్టేడియాన్ని విభిన్న రంగులతో ముస్తాబు చేశారు. ఇష్టమైన క్రికెటర్ల ప్లకార్డులు, విభిన్న రకాల వేషధారణ, చీర్ గర్ల్స్ స్టెప్పులు, తదితర దృష్యాలన్నీ స్టేడియంలో ఆవిష్కృతం కానున్నాయి. టికెట్స్ బుక్ చేసుకోవడంలో అభిమానులు బిజీగా ఉన్నారు. రూ. 800 నుంచి టికెట్ ధరలు ఉన్నాయని బుక్ చేసుకున్న వారికి మ్యాచ్ జరిగే 72 గంటల ముందర టికెట్ హార్డ్ కాపీ పంపిస్తున్నామని హెచ్ సీఏ వెల్లడించింది.
చదవండి : పేపర్ లీకేజీ కేసులో రేణుకకు షాక్…
