NRML: సారంగాపూర్ మండలంలోని జాం గ్రామంలో అప్పుడే పుట్టిన పసికందు లభ్యమైన ఘటన మంగళవారం చోటుచేసుకుంది. స్థానికుల వివరాల మేరకు అప్పుడే పుట్టిన శిశువును స్థానిక కోమటి చెరువు సమీపంలో పడేసి వెళ్లిపోయిందని, అటుగా వెళుతున్న గ్రామస్తులు శిశువును చూసి స్థానికులకు సమాచారం ఇచ్చినట్లు తెలిపారు. విషయం తెలుసుకున్న పోలీసులు అక్కడికి చేరుకొని దర్యాప్తు చేస్తున్నారు.
