హైదరాబాద్(Hyderabad) ప్రజలకు వాతావరణ శాఖ హెచ్చరికలు జారీ చేసింది. హైదరాబాద్ సహా తెలంగాణ(Telangana)లోని పలు జిల్లాల్లో ఉరుములు మెరుపులతో కూడిన వర్షాలు(Rain) కురుస్తాయని వాతావరణ శాఖ తెలిపింది. గురువారం మధ్యాహ్నం నుంచి శుక్రవారం ఉదయం వరకూ నగరంలోని పలు ప్రాంతాల్లో భారీ వర్షాలు కురిశాయి. తెలంగాణ రాష్ట్రంలోని చాలా జిల్లాల్లో ఉష్ణోగ్రతలు 27 డిగ్రీల సెల్సీయస్ కు పడిపోయే అవకాశం ఉందని తెలంగాణ వాతావరణ శాఖ(Telangana Meteological Department) తెలిపింది.
చదవండి: Corona Alert: మళ్లీ కరోనా టెన్షన్..తెలంగాణ సహా 6 రాష్ట్రాలకు హెచ్చరికలు
హైదరాబాద్ లో ఈ స్థాయిలో 8 ఏళ్ల తర్వాత ఇలా వర్షాలు(Rain) పడటం ఇదే మొదటిసారి అని వాతావరణ శాఖ తెలిపింది. నగరంలోని అన్ని ప్రాంతాల్లో మోస్తరు నుంచి భారీ వర్షాలు(Huge Rain) కురిశాయని, నగరంలో 31.7 మిల్లీ మీటర్ల వర్షపాతం నమోదైందని హైదరాబాద్(Hyderabad) వాతావరణ కేంద్రం వెల్లడించింది. మధ్యాహ్నం పూట ఎండ ఉన్నప్పటికీ సాయంత్రానికి వాతావరణం మారుతోందని, రాత్రి సమయంలో వర్షాలు కురిసే అవకాశం ఉందని వాతావరణ శాఖ తెలిపింది.
చదవండి: RGV Tweet: స్వప్నలోక్‌ ఫైర్‌ యాక్సిడెంట్‌పై స్పందించిన వర్మ..మేయర్‌కు ట్వీట్
2015 మార్చిలో 38.77 మిల్లీ మీటర్ల వర్షపాతం(RainFall) నమోదైందని, దాని తర్వాత ఇప్పుడే అంతటి వర్షపాతం నమోదైనట్లు వాతావరణ శాఖ తెలిపింది. మరో రెండు రోజుల పాటు నగరంలో విస్తారంగా వర్షాలు(Rain) కురుస్తాయని వాతావరణ శాఖ అధికారులు తెలిపారు. నగరంలో భారీ వర్షాలతో పాటుగా వడగండ్ల వర్షం కూడా కురిసే అవకాశం ఉందని, ఈ తరుణంలో అవసరమైతే తప్పా ఎవ్వరూ బయటకు రావొద్దని వాతావరణ శాఖ ప్రజలకు సూచించింది.
